Alex, napagalitan ni Mikee sa pagkain ng tinapay na galing sa boobs

Hindi nagustuhan ng fiancé ni Alex Gonzaga na si Mikee Morada ang ginawa niyang video sa TikTok kaya naman nakatikim siya ng talak mula sa boyfriend.

Sa ipinost na video ni Alex sa kanyang Instagram account ay makikita siyang nagsasayaw but at the end of the clip ay may kinuha siyang dalawang tinapay mula sa kanyang boobs at kinain ito.

Nag-react si Mikee kay Alex at sinabihan ang aktres/vlogger na ang pangit ng ginawa nito. “Ano naman yan bi. Pangit nung ginawa mo,” ang mensahe ni Mikee kay Alex base sa screenshot na ipinost ni Alex sa kanyang IG Story.

Caption ni Alex, “Patay. Nag-react na si Mister Morada.”

May mga netizens namang umayon kay Mikee sa isang thread na nakita namin. Sey nga ng isa, tama lang daw na sabihan ni Mikee ang GF dahil ang laswa naman daw talaga ng ginawa ng dalaga.

May nagkomento pa ngang sana raw ay mahiya naman si Alex sa future in-laws niya. Pero marami rin namang netizens na naaliw sa video at sey nila, tawang-tawa raw sila kay Alex.

Dingdong, alaga ang mukha

Aminado si Dingdong Dantes na kahit ang mga lalaki ay kailangan ding maging vain at alagaan ang skin.

“Kailangan din naming mga lalake na alagaan ang aming balat. Beautéderm Cristaux Supreme is an essential part of my daily skin regimen at bilang isang aktor, araw araw ko itong ginagamit to maintain the youthfulness of my skin. Cristaux Supreme is really age defying,” pahayag nito bilang bagong ambassador ng Beautederm.

Espesyal na taon ang 2021 para sa Beautéderm dahil minamarkahan nito ang 12th anniversary ng kumpanya at ang launch ni Dingdong bilang brand ambassador ay una pa lamang sa maraming sorporesa na inihanda ni Rhea para sa bagong taon.