Markus, natulala sa anak

Labis na nagpapasalamat si Markus Paterson sa mga positive feedback na natanggap nila ng girlfriend na si Janella Salvador hinggil sa pag-amin nila sa kanilang anak na si Baby Jude last Tuesday.

Humarap si Markus sa online show na We Rise Together last Wednesday at ipinahayag ang kasiyahang nararamdaman.

“Thank you to everyone who watched the video and joined our journey. Thank you for getting to know Jude, thank you for loving him. Also thank you for the understanding. Grabe, hindi talaga namin in-expect ‘yung reaction na ‘yon but I guess it really was the perfect time, na matagal na ring nakaplano. We’re just happy na maganda ‘yung video, maganda ‘yung introduction. I can’t wait for Jude to watch it and appreciate it,” pahayag pa ni Markus.

Matatandaang umamin sina Janella at Markus last Tuesday sa pamamagitan ng video sa kanilang joint YouTube account. Dito ay nakapaloob ang kanilang pregnancy journey hanggang sa mailabas na si Baby Jude on October 2020.

Tinanong si Markus ni DJ Jai Ho kung bakit sila nagdesisyong ilabas na sa mundo si Baby Jude, ayon sa aktor ay may takot factor din kasi sila noong una.

“Well, alam namin na one day we are going to release him to the world na sobrang natakot kami nu’ng una because we knew that the world is very harsh and right now isn’t the best environment.

“Well, now it is. Kaya nga inilabas namin. Pero noong una, talagang we want to shield him from everything and keep everything as quiet as possible.

“So, unang-una sa lahat, shout out sa lahat ng close friends and family namin that kept the secret with us. That helped us throughout the journey. Pero ayun, he’s out, he is happy, he is growing, he’s fat and we are happy. And everything is beautiful,” sabi ni Markus.

Needless to say, sobrang happy ng aktor na isa na siyang ama ngayon.

“I know it’s such a beautiful way to start the year for me and for everybody else and we thought na 2021, fresh page na, parang let’s just leave everything out there,” he said.

He recalled that magical moment the first time na una niyang nakita ang baby. Hindi raw niya ma-explain ang kanyang nararamdaman.