Paulo, gumawa ng ingay
Naging mainit na usapan ang eksena na ‘nasilipan’ o aksidenteng nakita ang private part ni Paulo Avelino sa movie na Fan Girl. Pero bigla ring lumabas ang istorya na prosthetics pala ang naturang private part na ipinakita.
Pero malaking tulong ang nagawa ng issue sa movie dahil ang daming naging curious kung totoo ba o hindi ang private part ni Paulo na lumabas sa movie.
In fairness, maganda ang review ng movie, ‘yung feedback malaki ang nagawa para panoorin ang Fan Girl. At may bago na namang artista na makikilala, ‘yung partner ni Paulo Avelino na si Charlie Dizon.
Magikland, bongga sa MMFF
Sa lahat ng kasali sa filmfest, sabi nila ang Magikland ni Papa Albee Benitez ang nangunguna. Lalo pa itong pinanghinayangan ng marami dahil imagine mo na kung natapos ito at noong 2019 naisali, sure winner ito sa takilya.
Sayang nga at ngayon na sa ibang platform na ito napapanood, at wala ang mga bata na sure na nauna sa panonood nito. Pero tiyak naman na sa pagbabalik ng normalcy, ipalalabas din ito sa sinehan, at magiging come on sa Magikland Park sa Silay.
Congrats sa Brightlight Productions.
- Latest