Martin at Pops, lutang pa rin ang chemistry

Mabubuhay na naman ang fans nina Martin Nievera at Pops Fernandez dahil reunited ang tambalan nila sa bagong late night entertainment show na Exes & Whys na mapapanood sa Cignal PayTV at DTH satellite provider, together with Colours.

Of course, sa mga sumubaybay sa career at lovelife nina Pops at Martin, sa isang TV show nagsimula ang malakas nilang tambalan. Nagkagustuhan at nagpakasal. Nagkaroon ng dalawang anak.

‘Yun nga lang, nagkahiwalay pero nanatiling magkaibigan hanggang ngayon. Kaya naman nandoon pa ang chemistry nila kapag magkasama either sa concert o sa TV show.

Bahagi ng show ng dalawa ay ang usapan tungkol sa personal experience at kung paano sila pinag-ugnay ng musika.

Nakatakdang mag-guests sa Exes & Whys sina Zsa Zsa Padilla, Vina Morales, Geneva Cruz, KZ Tandingan, TJ Monterde, Jaya at Matteo Guidicelli.

Ang isa pang  late-night entertainment show na aabangan sa Cignal TV ay ang Louie O Live with Robin Nievera.

Ang music legend at prolific composer na si Louie Ocampo ang host ng talk show at kasama ang record producer na si Robin, anak nina Martin at Pops.

Ngayong Sabado, December 19, ang premiere ng Exes & Whys habang ang Louie O Live with Robin Nievera ay mapapanood sa December 20.

Parehong mapapanood sa oras na 9 p.m. ang dalawang shows on their respective dates sa Colours, Cignal TV Channel 202 HD at Channel 60 SD.

Naku, magbubunyi ang Pops-Martin fans sa muli nilang pagsasama sa isang show, huh!