Game KNB? aarangkada sa buong mundo

MANILA, Philippines — Mapapanood na sa buong mundo ang pambansang game show ng Pilipinas na Game KNB dahil eere ito sa TFC cable at satellite TV at TFC IPTV simula Lunes (Nobyembre 30) at malalaro kasabay ng livestreaming sa Pilipinas sa Kumu app.

Tampok sa Game KNB? ang trivia questions na dapat masagot ng contestants para sa tsansang manalo ng papremyo. Sa pagbabalik nito, mas naging interactive pa ang programa dahil pwede itong laruin ng mga Pilipino kahit nasaan man silang bahagi ng mundo sa pamamagitan ng Kumu.

Mas pinasaya rin diumano ang programa kasama ang bagong game master na si Robi Domingo.

Kung mahilig ka sa trivia games o nais mong matuto ang mga bata ng bagong impormasyon sa kwelang paraan, panoorin ang Game KNB? sa TFC, TFC IPTV, at sa Kumu @gknb, Lunes hanggang Biyernes simula Nobyembre 30 para sa Europe, Middle East, at Africa, at Asia and the Pacific.

Ipapalabas din ito sa North at Latin America at Canada Linggo hanggang Huwebes simula Nobyembre 29.