Bea, lumundag na sa ibang manager
Owww may ibang manager na raw si Bea Alonzo.
Ito ang usap-usapan kahapon. Si Ms. Shirley Kuan na.
Una kong narinig ito nung sinasabing naghahanap si Bea ng bagong manager at gusto nang umalis sa Star Magic na starting next year ay si Direk Laurenti Dyogi na ang magiging bossing.
Nauna nang sinasabi sa statement ng ABS-CBN na patuloy na itataguyod ng Star Magic ang mga kaugalian, makabuluhang aral, at malasakit na sinimulan nina Mr. Johnny Manahan at Mariole Alberto na pareho nang umalis sa ABS-CBN at nagtatrabaho na for Brightlight Productions ni former Congressman Albee Benitez.
Nauna na ring nag-back out si Bea na gawin ang serye nila ni Richard Gutierrez na Kahit Minsan Lang na nakatakda sanang ipalabas sa Kapamilya Channel.
So sa TV5 kaya magaganap ang reunion nila ni Jonh Lloyd?
Marian, na-touch sa birthday wish ni Zia
Naantig ang puso ng Kapuso Primetime Queen at Tadhana host na si Marian Rivera sa hiling ng panganay na anak na si Zia sa kanyang fifth birthday.
Sa Instagram, ipinakita ng aktres ang naging intimate celebration ng kanilang pamilya, “Happy birthday Ate Z! I was so touched when she told me this morning that her wish is to keep her family, friends and everyone she knows safe and for the World to be healed. Aww.”
Dagdag pa ni Marian, thankful siya na habang lumalaki si Ate Zia ay mas nagiging thoughtful daw ito. Nangako rin siyang lagi niya itong poprotektahan at susuportahan.
- Latest
