Bea at John Lloyd, magkasamang nag-refresh sa resort
Spotted sa isang resort sa Batangas sina Bea Alonzo at John Lloyd Cruz nitong nakaraang mga araw.
Eh nagkataong kilala namin ang may-ari ng resort kaya nakita namin ang pictures nila kasama sina Bea at Lloydie kasama ang friend namin.
Inusisa namin ang aming friend kung ano ang dahilan ng pagpasyal ng dating magka-loveteam sa resort nila. Tugon ng kaibigan namin, “Refresh lang po!”
Hiwalay na naman si Lloydie kay Ellen Adarna at wala pang kasiguraduhan kung ‘yung umaaligid na mga aktor kay Bea eh pinusuan na niya.
So kung maging from reel to real ang loveteam ng dalawa, siguradong magbubunyi ang fans nilang pinapantasya silang maging real couple, huh!
NCAA, napunta sa GMA
Nakahanap na rin ng bagong bahay ang National Collegiate Athletic Association o NCAA. Sa Kapamilya network dati napapanood ang iba’t bang sports league ng association.
Pero sa susunod na NCAA season, ang GMA Network na ang network nito mula Season 96 hanggang 101 o limang taon.
Mapapanood ng NCAA fans sa GMA News TV at via online streaming sa GMANetwork.com at mga game habang ang finals ng basketball ay ite-telecast sa main channel na Kapuso Network.
Ang NCAA ay ang una at longest-running collegiate athletic league na kinabibilangan ng eskuwelahang San Beda, San Juan de Letran, Mapua, Lyceum of the Philippines at iba pa.
- Latest
