Angel, Marian at Anne, nanawagan ng donasyon

Pinusuan ni Angel Locsin ang panawagan ni Marian Rivera ng tulong para sa mga kababayan nating nasalanta ng bagyong Ulysses via her Instagram.

Project ng grupong Aktor na pinamumunuan ng asawang si Dingdong Dantes ang pangangalap ng tulong. Katuwang niya rito ang CBCP, Caritas PH, Andrew’s Fund PH at Yes Pinoy Foundation.

Nakalagay sa IG account ni Yan ang iba’t ibang accounts para sa monetary donations.

Samantala, si Angel naman ay humingi rin ng tulong at sinabi sa IG na sa Red Cross magbigay ng donation.

Nagpasalamat si Senator Dick Gordon at chairman ng Red Cross sa post ni Angel.

Updated din si Anne Curtis sa nangyayari sa bansa at kung paano muling sinalanta ang Bicol region ng bagyong Ulysses matapos ang bagyong Rolly.

Nanawagan din si Anne sa mga gustong tumulong na suportahan ang Unicef Philippines na proteksiyon ng mga bata naman ang tinutulungan.

Pagdating sa pagtulong, bukas-palad talaga sina Marian, Angel at Anne, huh!