RS at Sachzna, tampok sa bagong bawal ma-stress...
MANILA, Philippines — Makikipagkwentuhan ang Bawal Ma-Stress Drilon host na si Ces Drilon sa actor-businessman na si RS Francisco at social media celebrity Sachzna Laparan sa susunod na episode ng programa na mapapanood sa Nobyembre 23, 9:30 pm.
Baon ng dalawa ang mga inspiring na kwento tungkol sa kani-kanilang business ventures at kanilang kolaborasyon na mapapanood sa nalalapit nang ilunsad na music video ng awiting So In Love.
May pagkakataon muli ang Kumu live streamers na maging co-host ni Ces at makipag-chikahan sa mga bisitang sina RS at Sachzna sa pamamagitan ng pag-iipon ng pinakamaraming Stress Drilon virtual gifts.
Isa ang Bawal Ma-Stress Drilon sa mga patok na online show sa FYE Channel sa Kumu. Bumisita na rin sa programa sina Manila Mayor Isko Moreno, MayMay Entrata, Gardo Versoza, Jose Mari Chan at Boy Abunda, na kamakailan ay naglunsad ng kanyang sariling Kumu show na The Best Talk.
- Latest
