Eric kinaya pang magka-abs

Puro positive feedback ang nabasa namin sa post ni Eric Quizon na ipinakita ang fit niyang katawan. “Towel shot. Shameless at 53, but i am just happy with what i see in the mirror. with a little flexing and tucking your stomach, you can achieve a six pack. #gettingold #nofilter,” ang post ni Eric.

Ayan, nasa hashtag ni Eric na walang filter ang pinost niyang photo at inamin na he’s getting old, pero wala sa hitsura niya at lalong wala sa katawan niya na he is 53 years old. Kaya pa kasi ng actor/director na magka-abs, marami tuloy siyang na-inspire na mag-workout din to achieve a fit body.

Tama ang comment na parang bampira si Eric dahil hindi tumatanda at sexy pa rin. Ang mga nagkamaling i-bash si Eric, agad binara ng mga pro-Eric.

History... ni Michael palabas sa PPP

Prinomote ni Michael V, by posting the poster at announcement na rin na isa ang Family History, ang pelikulang prinodyus niya ay first directorial job, sa ipalalabas sa Pista ng Pelikulang Pilipino (PPP). Tatakbo ang PPM mula October 31 hanggang November 15 at magaganap ang online festival sa website ng Film Development Council of the Philippines (FDCP).

Magkakaroon ng apat na virtual cinemas na may scheduled screenings ng mga kalahok na pelikula. Para mapanood ang  Family History and for more details, bisitahin ang FDCPChannel.ph.

Very proud si Michael V sa Family History dahil napuri ng moviegoers at kritiko at hiningian nga siya ng kasunod na film project. Natatandaan namin, nabanggit ni Michael V na may mga material siya for a follow-up project, hindi lang agad naikasa dahil sa Covid-19. Kapareha niya rito si Dawn Zulueta at kasama sa cast sina Miguel Tanfelix at Bianca Umali.