Alex, bidang-bida sa LOL

Simula na ng bakbakan ng noontime shows sa Lunes, October 19. Mapapanood na ang makakabangga ng Eat Bulaga at It’s Showtime ng TV5 lunch show na Lunch Out Loud (LOL) na produced ng Brightlight Productions.

Bidang-bida si Alex Gonzaga sa LOL. Dati na siyang Kapatid member kaya bale home coming niya ang lunch show. Kasama niya sina Billy Crawford, Bayani Agbayani, K Brosas at iba pa.

Gaya ng ibang noontime shows, may games, kantahan at pagkakaperahan ang ilan sa segments ng LOL.

Matira ang matibay at entertaining ang noontime shows ngayong tatlo na ang magbabakbakan!

DJ Loonyo, biglang naglaho pagbalik ni Alden

Umapir na si Alden Richards sa Eat Bulaga matapos maging missing in action ng ilang araw (o linggo?).

Ang nawala naman ay ang viral sensation na si DJ Loonyo.  Naging regular siya sa Bawal Judgmental segment kung saan ang galing sa pagsayaw ang partisipasyon niya.

Pero nawala bigla si Loonyo. Nang magkaroon ng pakulo ang Bulaga ng dance contest na Social Dis-Dancing, isang DJ Austin ang nagturo ng sayaw sa Dabarkads at Team Bahay, huh!

Ano kaya ang nangyari kay DJ Loonyo? Bumalik na ba siya sa China kung saan nagtuturo siya ng sayaw?