Dahil sa kapitbahay, bagong mag-asawang sikat, nadiskubre na kung saan nakatira

Habang gustong mas maging private ng bagong sikat na mag-asawa ang area ng tinitirhan nila ngayon, saka naman daw parang lalong nabubuko kung saan sila nakatira.

Though hindi raw siguro sinasadya ng isang neighbor nila na ibuko kung saan nga sila nakatira, pero sana raw maging careful ang TV personality na mag-mention ng lugar kung saan sila nakatira.

Julia balik-eskwelahan

Though alam mong promo ng isang eskuwelahan, pero at least binalita ni Julia Montes na balik-eskuwela siya.

“Here’s to a new journey FROM HOME! I am glad to be part of Southville International School and Colleges as I officially go back to school. This is how I turn a crisis into an opportunity, doing things I’ve always wanted now that I have the luxury of time. Indeed, education is a lifelong venture. And what I love most is that at Southville, you can do your passion without compromising your academic goals. How does that sound?
So this is it!” ang latest post ni Julia.

Maalalang tumanggi si Julia sa lock-in taping ng serye nilang Burado with Nadine Lustre na umayaw din kaya naman tinuluyan na itong burahin at hindi na ituloy ng ABS-CBN.

Alden ibang-iba ang karanasan nang bumalik sa taping

Isa si Alden Richards sa mga Kapuso star na sumabak nang muli sa pagte-taping sa ilalim ng new normal. Kabilang si Alden sa star-studded cast ng pinakabagong drama anthology ng GMA-7 na I Can See You. Makakatambal niya para sa unang installment na Love On The Balcony ang Kapuso leading lady na si Jasmine Curtis-Smith.

Sa kanyang panayam sa 24 Oras ay inamin ni Alden na nanibago siya sa unang acting project matapos ang ilang buwan na community quarantine, “First project shoot ko ‘yun since March. So, sobrang iba talaga.”

Idinetalye rin ng Kapuso actor ang pinagdaanan nilang preparasyon bago mag-taping para maging handa habang nasa set, “‘Yung mga preparation prior to tapings nag-iba rin. Swab testing, tapos health monitoring. On the set, health monitoring pa rin. After nung taping namin, ‘yung last day, nag-antigen swab kami.”

Dagdag pa ni Alden, “‘Tapos lahat hindi ko nakita ‘yung mukha. Lahat naka-mask, lahat naka-face shield. So, new environment.”

Makakasama rin nila sa Love On The Balcony sina Pancho Magno, Denise Barbacena, at Shyr Valdez sa ilalim ng direksyon ni LA Madridejos, ngayong September 28 na sa GMA Telebabad.