Jennylyn, nadiskubre ang tunay na pagkatao ni Dingdong sa lock-in taping!

Natapos na ni Jennylyn Mercado ang kanyang mga eksena para sa fresh episodes ng Descendants of the Sun Ph. Nine days din siyang naka-lock in sa Rizal kasama ang cast and production team. Nakauwi na siya sa kanyang bahay ngayon matapos i-swab test after the taping. Kahit nanibago at nahirapan sa “new normal” na locked-in taping na walang uwian, umuwing masaya and fulfilled ang Kapuso star dahil worth it naman ang lahat ng kanilang effort.

Abot-abot ang papuri ni Jen sa leading man na si Dingdong Dantes. Sa more than one week na pananatili sa Rizal na walang uwian, dito raw niya talaga nakita kung gaano kabuting tao ang aktor.

Napakabait at napaka-professional daw ni Dong kaya naman sobrang thankful ni Jen na nakatrabaho ito. In fact, given the chance ay gusto raw niya itong makatrabaho ulit.

Magpapahinga lang si Jen sandali at pagkatapos ay sasabak na naman siya sa taping naman nila ng real-life sweetheart na si Dennis Trillo para sa I Can See You drama anthology na reunion project nila after five years.

Sa ngayon ay excited na ang fans ng DOTS Ph sa muling pagsasaere ng serye. Sisimulan ulit mula sa episode 1 ang serye at tuloy-tuloy na ito hanggang sa fresh episodes.

Julia inaming mas mature na sila ni Joshua

Nilinaw ni Julia Barretto na hindi naman nawala ang friendship nila ng ex-boyfriend na si Joshua Garcia even after the break-up. “I think it came to a surprise to a lot of people that we’re friends,” pahayag ni Julia sa kanyang recent Instagram live interview with G3 San Diego, “but you know, we have been, since last year and I mean, I don’t think there was even a time that we weren’t friends.”

Ever since raw ay very supportive sa kanya si Joshua at parating nagme-message sa kanya. “He has always been showing me support, and you know, he would message and just check up if we’re still good, if we’re still friends,” she said.

At hindi naman daw ito kailangan pa nilang ibahagi pa sa publiko. “It’s not just something that you know, we felt the need to really share with everybody that you know, we’re okay and that we’re friends. I think, it’s just now that people think na ngayon lang nila nakita na ‘oh, they’re friends pala’, so I think it came as a shock,” paliwanag ni Julia.

Ito nga raw ang isa sa pinagpapasalamat niya – na napanatili nila ang pagiging magkaibigan. “One of the things that I’m also grateful for is that, you know, we were able to protect and stay friends and you know, we’ve come out of situations more mature, wiser, and that was our goal,” pahayag pa ng aktres.