Kris gihulipan og laing host
CEBU, Philippines — Gihulipan na si Kris Aquino og laing TV host sa umaabot unta niya nga show sa TV5.
“This is a life update post I wish I didn’t have to make, BUT it’s something I’m facing up to in order to truthfully move on… My hoped for TV comeback isn’t happening, the producer chose somebody else he and his sales team felt was more viable. No sugarcoating from me, you’re getting the honest truth,” suma pa sa IG post ni Kris.
Wala hinoun mawad- i og paglaom si Kris nga makabalik sa telebisyon sa saktong panahon.
Suma pa niya nga mo-focus na lang siya karon sa pag-atiman sa iyang panglawas
“I would like to believe that I’m now a glass half full type of person – I no longer wish to focus on what’s not given, rather I am so very grateful for blessings, and YES, our health is the most precious one. I continue to have faith there will be opportunities – all in God’s perfect timing,” dugang pa ni Kris.
Gipaambit niya nga naka- close contact siya ug ang iyang anak nga si Bimby sa mga tawong nagpositibo sa COVID-19.
Mao kini ang rason nga naka-isolate sila og duha ka semana. Nag-negatibo hinoun sila sa maong sakit.
“We strictly isolated for 2 weeks, we had the ECLIA test done to be sure we weren’t asymptomatic, and again we were negative. In the big picture of life, we are still fortunate,” niya pa.
Game show ang target
Niulbo karon ang report nga matud pa ganahan makabaton og game show ang komedyanteng aktres nga si Ai Ai delas Alas. Nasayran nga naka-kontrata si Ai Ai sa GMA Artist Center.
Pakilig post
Ni-post og maka-kilig nga mensahe sa Instagram si Sue Ramirez alang sa iyang boyfriend nga si Javi Benitez. Kahinumdoman nga nagkaila ang duha sa pelikulang Alpha Kid One. “Love you more everyday, Jav!,” suma pa ni Sue.
Bida sa Lockdown
Sa labing unang higayon , mahimong bida si Paolo Gumabao sa usa ka pelikula. Malakip siya sa pelikulang Lockdown nga pagabuhaton sa FLA Films.Si Joel Lamangan ang direktor niini ug sinuwat kini ni Troy Espiritu . Nasayran nga ubay-ubay ka mga artista ang ni-audition sa maong proyekto.
Tabangan ni Liza
Andam mohatag og ayuda si Liza Soberano sa pipila ka mga staff sa Star Magic nga nawad-an og trabaho. Una na nga gipadayag sa aktres nga importante kaayo ang pagtinabangay karong panahona.
Naapektohan ang negosyo
Giangkon ni Daniel Padilla nga naapektohan gyud sa pandemya ang iyang negosyo.Sakit kaayo alang sa aktor nga makakita sa uban niya nga empeyado nga mawad-an og trabaho.
Namaligya og manok
Nag-negosyo og piniritong manok ang singer nga si Angeline Quinto.Ang iyang tindahan ginganlan og Q Wings of Love. Base kini sa iyang paborito nga kanta nga On the Wings of Love.
Mag-uban ang mga lig-on
Pipila ka mga inila nga mag-aawit ang mag-uban sa Coke Studio karong tuiga ug pipila niini mao sila si KZ Tandingan, Moira dela Torre, Unique Salonga, Shanti Dope, December Avenue, ug Sarah Geronimo.
Gawas sa pag-perform, mopaambit usab sila sa ilang quarantine stories .
Ang maong music festival mosikad karong September 26 hangtud sa November 21.
Liza ginganlan og “boba”
Giangkon ni Liza Soberano nga nasakitan gyud siya sa dihang giingnan siya sa usa ka netizen og “boba”.
Nakadawat siya sa maong pulong human niya gikuwestyon ang paghatag og absolute pardon ni Presidente Rodrigo Duterte ngadto kang US Marine Lance Corporal Joseph Scott Pemberton.
Si Pemberton mao ang Amerikanong sundalo nga giingong dunay kalabotan sa pagpatay sa transpinay nga si Jennifer Laude.
Nagpadayag si Liza sa iyang kasagmuyo sa nahimong hukom sa presidente.
Apan dunay netizen nga nikomento kang Liza ug giingnan siya og “boba”.
“Ouch ang sakit nasaktan ako,” tubag ni Liza.
- Latest