Cheat day ni Alfred suportado ng misis

Kahapon ay ka-text ko si Quezon City 5th District Representative Alfred Vargas. Kinumusta ko ang actor/politician kung tuloy-tuloy pa rin ang diet niya?

“Yes tuloy-tuloy lang. Medyo mahirap pero tinitiis ko na lang. Masarap naman ang feeling and well-being ko because of this. Siguro mga 7-9 more pounds ang kailangan ko i-lose then ok na ako sa target ko.

“Para hindi ako masyadong mahirapan, every Sunday, cheat day ko pa rin. Kahit ano and kahit gaano karami kinakain ko.

“I really indulge, kaya naman natitikman ko lahat ng bine-bake ni Yasmine (his wife).

“She makes my Sundays very special by baking my favorites na gawa niya like pandesal, cookies, pizza, ensaymada, even ‘yung ube pandesal and ube ice cream na gawa niya, super sarap!” sey ni Alfred.

Alam mo, Ateng Salve, nakakatuwa rin si Alfred dahil kahit sobrang busy siya sa pagiging congressman lalo na ngayong panahon ng COVID-19 pandemic, nagre-reply siya kapag nag-text ka sa kanya.

Actually, noong nasa Los Angeles, California ako, isa si Alfred sa madalas mag-text para mangumusta.

Marami nga sa entertainment press ang itinuturing ni Alfred na mga kaibigan niya! He’s really so nice. ‘Yun na!

Kris, nawalan ng producer?!

Naku, Ateng Salve, nalito ako sa mga balita tungkol kay Kris Aquino, huh!

Tuluyan na palang natsugi ang programa sana niyang eere sa TV5. Samantalang parang kailan lang ay may nagsabing may bago na nga itong producer.

Kaka-sad naman ang balitang ito. Marami pa naman naghihintay kay Kris na magbalik na sa pagiging TV star.