Janine, ‘di nakikisawsaw sa pardon ni Pemberton

Parang nami-miss namin ang comment ni Janine Gutierrez sa isyung pagbibigay ng “absolute pardon” ni President Rodrigo Duterte kay US Marine Joseph Pemberton.  Tahimik kasi si Janine na nakakapanibago dahil in the past issues ng government, laging isa siya sa agad nagsasalita.

But this time, tahimik si Janine at ni-repost lang ang tweet ni Chel Diokno. Kasunod nito, nag-tweet si Janine ng “Protect trans live” at hashtag na #JusticeForJenniferLaude.”

Siguro, naghihintay pa ng right time si Janine, wait natin ang pagresbak nito.

Magazine ni Marian, sold out na naman!

For the second time, sold out na naman sa Lazada ang August-September issue People Asia magazine sa kanilang Women of Style and Substance issue. Si Marian Rivera ang cover ng magazine.

May mga kumontra man at sabihing hindi lang si Marian ang rason kung bakit mabili ang magazine dahil marami siyang kasama na sumuporta rin sa magazine, hindi maikakailang big factor si Marian na cover nga.

Ibig sabihin, na-miss siya ng kanyang fans na makita sa magazine, kaya nang mag-cover, ayun, marami ang bumili hanggang maging sold out nga nang dalawang beses pa.

Sabi ni Alex Vergara ng People Asia, “Done taking care of the last batch of online orders via Lazada of our current #peopleasia issue featuring @marianrivera on the cover. The power of celebrity remains strong in the Philippines, as our #womenofstyleandsubstance 2020 edition led by Marian was sold out in record time.”

Speaking of Marian, kinakantyawan ito ng mga kaibigan sa showbiz sa pinost na photo na may suot siyang mask dahil kahit naka-mask na, maganda pa rin daw na totoo naman.

Kris, hindi na dinibdib ang nakanselang show

Sa latest post ni Kris Aquino, ibinalita nitong hindi na matutuloy ang TV show niya sa TV5.

“This is a life update post i wish i didn’t have to make. BUT it’s something i’m facing up to in order to truthfully move on... my hoped for TV comeback isn’t happening.”

Aminin, gusto nating malaman lahat kung sino ang ipinalit ng producer kay Kris na sabi ni Kris, “more viable.” Siguradong maikukumpara siya kay Kris dahil mas pinili siya ng producer kesa kay Kris.

Sa nag-comment ng baka sign na ang aborted TV show ni Kris for her to retire, sagot ni Kris, “i am furthering my studies- because “a mind is a terrible thing to waste.”

Sa pumuri sa kanya for being transparent sa nangyari sa dapat TV show niya. “I’ve always believed for as long as you tell the truth, there’s no “story” you need to remember.”

Sa nag-comment naman na si Kris ang problema sa hindi pagkatuloy ng TV show, sagot ni Kris, “yes, the problem was me- hindi nila ko bet.” At sa comment na sayang dahil hindi ni-let go ang most valuable asset at hihintayin pa rin nito ang kanyang pagbabalik sa TV. “Honest, hindi ko na dinidibdib kasi hindi si-
guro talaga meant to be-and i wanted to at least be able to move on without pretending in was anything else. Thank you though for this supportive comment. Pero move on na tayo.”

Ang ipinagpapasalamat ni Kris, COVID-free sila ni Bimb dahil na-expose sila sa mga taong nag-positive sa COVID -19.

Sheryl at Jeric, hindi tinanggi ang relasyon

Agad naming binisita ang Instagram ni Sheryl Cruz dahil sa tsikang pinost ng aktres na eight monthsary na nila ni Jeric Gonzales. Pero, wala kaming nakitang post ni Sheryl na ganu’n at pati sa Facebook page nito, wala rin kaming nabasang may post siyang ganu’n.

Ang nakita namin ay ang birthday greetings ni Sheryl kay Jeric at ang photos nilang magkasama at may caption pa ngang nagpasalamat si Sheryl dahil si Jeric ang leading man niya sa Magkaagaw.

Napansin lang namin na sa mga litrato nilang magkasama, may isang photo na sweet ang dalawa, nakasandal at nakahawak pa si Sheryl sa balikat ni Jeric. ‘Yung dikit ni Sheryl, parang dyowa niya si Jeric, kaya tuloy nag-iisip ng iba ang fans.

O, baka wala lang tayong alam? Maaalalang there was a time na natsismis na magdyowa sina Sheryl at Jeric na magkasama nga sa Magkaagaw.

Natatandaan din namin na walang nag-deny sa kanilang dalawa.