Marian, hindi nawawalan ng gagawing negosyo

Non-stop ang sorpresang hatid ni Marian Rivera sa mga tumatangkilik sa negosyo niyang bulaklak.

Pinost ni Yan sa kanyang Instagram ang iba’t ibang shapes and sizes ng vases na puwedeng paglagyan ng flowers niya.

Eh ang maganda sa vases na ito, gawang local dahil sa bahagi ng caption niya, “Each item comes with a white, distressed finish vases that are sourced from a rescued Mango trees from Manila South Road, Bay, Laguna. @floravidabymarian.”

Pinusuan naman ng netizens ang post ni Yan lalo na nga’t suportado niya ang gawang lokal.

Sa totoo lang, bukod sa negosyo at dalawang anak, inayos ni Marian ang pagbabalik-trabaho ni Dingdong Dantes sa taping ng Descendants of the Sun.

Ilang araw rin silang magkahiwalay ng asawa at kahit sanay na silang gumamit ng makabagong technology sa communication, iba pa rin siyempre ‘yung magkasama sila ni Dong sa pag-aalaga kina Zia at Ziggy, huh!