Kanya na raw... Sam, si Catriona na ang the one, Maricel hindi bumibitiw sa diyos

Three weeks nag-lock in sa isang hotel sa Quezon City at 12 hours ang working hours ng teleseryeng Ang Ikaw Ay Akin starring Iza Calzado, Jodi Sta Maria, Sam Milby and Maricel Soriano.

Yup, nakaraos na sila sa new normal taping bago pa man ibinalik ng gobyerno sa modified enhanced community quarantine since August 4 ang buong Metro Manila at ibang kalapit probinsiya nito.

“At hindi na kasama ang chika dun. Isa pang nakakapanibago wala na ang chiakahan. Walang beso-beso, wave wave na lang. Limited na ang mga tao sa mga scene.

‘Yun ang ilang sa mga kailangan naming harapin sa new normal.

“At dito makikita kung gaano tayo kagaling mag-adjust at makikita mo dun ‘yung resilience natin,” chika ni Jodi kahapon sa ginanap na virtual presscon ng teleseryeng mapapanood sa Kapamilya Digital Live beginning August 17.

At sa mga nangyayari sa kasalukuyan, sinabi naman ni Ms. Maricel na ‘wag lang bibitiw sa Diyos.

Binanggit din sa nasabing digital presscon kahapon ni Sam na si former Miss Universe Catriona Gray na nga ang the one niya. “I do believe she’s the one na,” kumpirma ng aktor though may age gap daw sila at nag-uumpisa pa lang ng career si Catriona pero sigurado na raw siya na si Catriona na, nang may magtanong kahapon sa virtual presscon kung ang dating Miss Universe na ba talaga ang para sa kanya. Handa rin daw siyang ipaglaban ito dahil ang ‘ang iyo ay akin.’

Yasmien apektado sa pasabog sa Lebanon

Isa ang Filipina-Lebanese actress na si Yasmien Kurdi sa labis na nalungkot sa nangyaring pagsabog sa capital ng Lebanon na Beirut kung saan maraming buhay ang nasawi at libu-libo ang sugatan kabilang ang ilang Pinoy. 

Ani ng aktres sa kanyang Instagram, “It’s a shocking and sad news... Please #PrayForLebanon ... nalulungkot ako kasi kakamatay lang din ng Lola ko na Lebanese... malungkot pa yung family... tas eto ngayon ang nangyari. We hope and pray that our relatives and friends in #Beirut are all safe. We pray for all the casualties, and for the Country. This is a difficult time for all of us and the only powerful tool we have now are our prayers. #PrayForBeirut #NationalDayOfMourning.”