Catriona pinagpalit ang MU pin sa test kits

Pagkatapos masermunan at ma-bash sa social media dahil sa issue ng Anti-Terrorism Bill, patuloy pa rin ang pagtulong ni Miss Universe 2018 Catriona Gray sa maraming COVID-19 patients.

Pina-auction ni Catriona ang kanyang Miss Universe pin bilang kapalit sa maraming COVID-19 test kits.

Kasama nga ito sa ilan pang pinapa-auction ng Shop & Share fundraiser website na pinangunahan nina Angel Locsin at Anne Curtis. 

“In December 2018 in Bangkok Thailand, Miss Universe Philippines, Catriona Gray debuted the ‘slow-mo turn’ and Ibong Adarna gown. The Philippines sash was secured over her heart with this pin.

“A personal, hand written note on the Official Miss Universe 2018 Comp-Card will also accompany the pin,” ayon pa sa description ng item sa website.

Sa kanyang Instagram stories, heto ang sinabi ni Catriona tungkol sa kanyang pin: “My MU candidate pin that I wore in the prelims of Miss Universe means so much to me, but I’ve decided to dedicate to a cause.”

“All proceeds going towards aiding the government’s efforts to provide mass testing.”

Nagsimula sa halagang P20,000 ang MU pin at umabot sa higit na P250,000 ang bid dito noong nakaraang June 9. Nagsara ang bidding noong nakaraang June 11.

Bukod sa Miss Universe pin, ipina-auction din ni Catriona ang kanyang Karen Millen embellished shoes.