Para sa kalayaan… Iza namigay ng dugo
Isinabay ni Iza Calzado sa 122nd Independence Day ang pagdo-donate ng dugo sa PGH kahapon.
Sa post ng manager niyang si Noel Ferrer, sinabi ni Iza na ang sarap ng pakiramdam niya matapos ngang mag-donate ng plasma at ini-encourage niya pa ang karamihan na mag-donate din ng dugo dahil maraming may sakit ang nangangailangan nito.
“Napakaraming tao ngayon ang nangangailangan ng dugo natin, hindi lang para sa covid-19 patients pero marami pang ibang klase ng sakit na pinagdaraanan ng ating kapwa Pilipino.
“Kaya sana po ay mag-donate din kayo, kung kayo ay tinatawag ng inyong damdamin at konsensiya, para makapagbigay kayo.”
Dagdag pa ng actress na isa sa 5,454 recoveries ng covid-19 sa bansa : “Ang sarap sa pakiramdam na nagbigay ka ng ‘buhay’ mo, energy sa isang tao na nangangailangan talaga.”
- Latest