Zia marunong nang mag-mani!

Kung sina Dingdong Dantes at anak na si Zia, mukhang ang jamming ang isa sa nagiging bonding moment nilang mag-ama dahil marunong nang maggitara ang aktor at si Zia ay mahilig kumanta, iba naman ang bonding moment nina Zia at ina niyang si Marian Rivera.

Sa isang post sa IG Stories ni Marian, makikitang mina-manicure ni Zia si Marian at ang sabi ni Marian, mahusay mag-manicure ang anak. Makikitang ang color ng nail polish na inilalagay ni Zia sa ina ay kakulay ng nail polish niya.

Ang hinihintay ng DongYan fans ay ang magiging bonding moment naman nina Dingdong at Ziggy at ni Marian at Ziggy.

Samantala, ang Dried cotton flower ang bagong offering ng Flora Vida by Marian ni Marian at tiyak na magki-klik din sa clientele ng Flora Vida dahil kakaiba siya. Maganda ang ilang samples na pinost ni Marian sa Instagram.

Anak ni Sharon at Kiko, matapang

Ang mga celebrities gaya nina Solenn Heussaff, Frankie Pangilinan, Gabbi Garcia, at Janine Gutierrez ang naisip namin sa balitang pumasa na sa House of Representatives ang Anti-Terrorism Bill. Nauna nang naaprubahan ang bill last February. Kabilang ang mga nabanggit sa nagsulong ng #JunkTerrorBill Now.

May reaction si Frankie sa pagkapasa ng Anti-Terror Bill at post nito in all caps “SEE HOW FAST THEY GET THINGS DONE WHEN THEY WANT? THEY COULD HAVE SAVED US JUST AS QUICKLY BUT THEY CHOSE TO SILENCE US FIRST” at “silencing filipinos was more urgent to them than saving Filipinos remember that” sinundan pa ng “FIGHT FOR YOUR RIGHTS. YOU’RE BRAVE AND I BELIEVE IN YOU.”

Wala pang nagtanong kay Frankie sa opinyon nito tungkol sa pagsulong sa senado ng Anti-Terrorism Bill ng uncle ng mom niyang si Sharon Cuneta na si Senate President Tito Sotto.

Nag-tweet si Senate President Sotto ng “Daming nakiki-Epal, Mali naman ang Alam!” at sa Instagram ang post na “Remember what happened to Marawi? Never Again. Magbasa. Magtanung. Makinig #yestoantiterrorismbill.”