Mga programa ng Channel 2 sa Jeepney TV na mapapanood
Sa Jeepney TV (Channel 9 sa Sky Cable) muna mapapanood ang ibang entertainment shows ng ABS-CBN habang may problema pa sila sa franchise.
Ayon sa isang source, kasama sa mauunang mapanood ang continuation ng kuwento ng Ang Probinsyano ni Coco Martin.
Nakahanda na raw ang buong cast sa kanilang ‘new normal’ taping kung saan sila five weeks na mala-lock in as in wala raw labasan at walang puwedeng bumisita.
Maglalabas daw sila ng program guide pag naayos na nila ang line up ng mga programang mapapanood sa Jeepney TV dagdag pa ng source.
Sa kasalukuyan ay mga replay ng maraming programa ng ABS-CBN ang napapanood sa Jeepney TV.
So ito na kaya ang bagong Channel 2 bukod sa iba’t ibang digital platforms ng network na nahihirapang kumuha ng renewal ng franchise matapos itong mag-expire last May 4?
Kim patok na ma’am
Ma’am na ang tawag ng ibang followers ni Kim Chiu sa actress. Dahil pa rin ‘yun sa law of classroom niya na grabe ang naging impact sa social media. Eh kung si Kim na lang kaya ang kuning ambassador ng Department of Education para magpaliwanag sa magiging sistema sa online enrollment ngayong araw?
- Latest
