Aktres na ‘di magaling sa Ingles, natakot magkalat sa online chikahan!
Bibilib ka sa ugali ng aktres na ito. Aminado kasi siya na hindi siya ganoon kagaling pagdating sa malalim na tsikahan.
Actually, kahit sa Inglisan, “takot” din siya dahil hindi raw siya magaling.
Isinasali dapat si aktres sa isang online chat kung saan ay pag-uusapan nila ng mga kapwa niya artista ang isang sensitive issue, pero tumanggi siya.
Ayaw niya dahil baka “magkalat” lang daw siya. Baka ma-tense siya at kung ano lang daw ang masabi niya at ma-bash pa siya katulad ng isang aktres na close sa kanya.
Hindi duwag si aktres na makipaglaban, pero hindi lang siya confident, kaya umiiwas siya sa mga ganoong online tsikahan.
Well, tama rin naman siya, mahirap nga naman na kung ano-ano ang masabi niya at ma-bash siya at ang ending niya ay mag-iiiyak siya, huh!
Nora hindi sumuway sa lockdown
Kahapon ay nag-forward si Nora Aunor sa pamamagitan ng Facebook Messenger ng isang news item tungkol sa pagsabak niya sa “monovlog” ng Tanghalang Pilipino.
Tinanong ko ang isa sa mga malalapit sa kanya, ang movie columnist na si Rodel Fernando, kung account ba talaga ng Superstar ‘yon?
“Oo, siya talaga ‘yon,” sey ni Rodel. So, “tsinika” ko na si Mama Guy. Kumusta na siya?
“Ok naman ako, Jun. Ingat lagi. Stay safe. Stay healthy always,” sabi ng Superstar.
Tinanong ko rin si Mama Guy kung saan siya naka-lockdown at doon daw siya sa condominium niya sa Eastwood. “Nakakainip na nga. Hindi nakakapag-taping ng Bilangin (ang Bituin ang mga Bituin sa Langit, ang afternoon series ng GMA 7 kung saan isa siya sa mga bida),” sabi niya.
So, hindi talaga siya lumalabas ng condominium simula noong mag-lockdown?
“Hindi na talaga, pero ok lang ‘yon kaysa mahawa naman sa nakamamatay na COVID (19),” chat pa ng Superstar.
Alam mo, Ateng Salve, iba rin si Mama Guy, kahit masasabing isa siya sa greatest actresses natin sa local movie industry ay ang galing niyang makisama sa entertainment press.
Sa totoo lang! ‘Yun na!
- Latest