Coronavirus maraming naituro!
Hindi ka ba disoriented sa oras at araw, Salve?
Siguro nga dahil wala akong physical activity pag nagigising ako sa umaga akala ko afternoon nap iyong ginawa ko.
Iyon araw dahil nga wala tayong ginagawa parang ang tagal, samantalang noon parang ang bilis ng araw.
Nakakaloka rin dahil pag linggo talagang inihahanda ko ang sarili ko sa 9:30 a.m. na mass sa aming simbahan. Kaya nagugulat na lang ako pag bigla naalala ko na walang misa sa church at sa TV ako nakikinig ng misa.
Nagulo ni coronavirus ang time at schedules natin pero ok lang dahil ang dami rin niyang naituro sa buhay natin.
Hindi na regular mga pangyayari, pero sa mga naganap one thing is sure, nabigyan natin ngayon ng more importance ang buhay at oras.
Ngayon natin na-realized, walang kuwenta lahat ng material na bagay na binili natin dahil hindi puwede ilaban sa virus. Ngayon din natin nalaman, isa lang puwede natin takbuhan, si God, isa lang puwede natin taguan, ang bahay natin at isa lang puwede natin kasama, ang pamilya natin.
Ito itong eye opener, made us see things we never expected.
- Latest