Maine umaapaw ang natatanggap na donasyon!

Umaapaw ang nagbibigay ng donasyon sa fund drive ni Maine Mendoza para sa kababayang nawalan ng trabaho dahil sa enhanced community quarantine dala ng coronavirus.

Naging transparent si Meng nang ilabas niya sa Twitter at Facebook account niya ang listahan ng nagbigay ng datung at pinamigay niya.

Pasubali niya sa tweet, “Please bear with me as I am the only one working on this. I’ll keep you posted in the DoNation drive blog. Maraming salamat po.”

Malaki man o maliit ang halaga ay ipinakitang lahat ni Maine ang donasyon kahit blurred ang name ng donors bilang proteksiyon.

Eh sa fund-raising na ito ni Meng, inalerto niya ang netizens dahil sa isang poser gamit ang pangalan ni Ryan Agoncillo.

Nag-tweet ng GCash number ang poser ni Ryan gamit ang pangalan ni Meng. Itinama ito ni Maine.

“To everyone’s information, DoNation drive’s ONLY G-Cash number/account is 09563890291.

“Please do not rely on other people’s post. Always refer to my social media accounts and don’t forget to double check the number.

“Daming nag-take advantage ng situation. Sad,” paglilinaw ni Meng.