James Bond movie, sa November na ipalalabas!

Sa November na mapapanood ang latest James Bond movie na No Time To Die.

“After careful consideration and thorough evaluation of the global theatrical marketplace, the release of NO TIME TO DIE will be postponed until November 2020,” ayon sa statement ng James Bond Twitter account.

Sa China sana magkakaroon ng red carpet premiere ng No Time To Die.

Sa China nag-umpisa ang kaso ng coronavirus na ngayon ay kalat na sa buong mundo.

Bida pa rin ang sa latest installment ng James Bond movie si Daniel Craig.

Promising writers, iwo-workshop ng GMA

Nakapili na ang GMA Network ng most promising budding screenwriters na sasali sa kanilang libreng Basic TV Drama Scriptwriting Workshop for 2020.

Mula sa libu-libong applicants, nakapili ang review panel ng final 70 participants na nakitaan nila ng potential in screenwriting and storytelling methods.

Ang comprehensive workshop will run every Saturday for 10 weeks. The successful participants will eventually be given the privilege to be part of GMA’s Entertainment Group.

Sa mga nag-apply, puwede nilang i-check kung pumasok sila sa listahan ng final participants sa www.gmanetwork.com. The official schedule and details of the workshop will be sent to each participant via [email protected].

Kailangang-kailangan ng fresh ideas ng mga TV show natin sa kasalukuyan kaya timing ang ginagawang ito ng Kapuso Network.

Direk Ruel bagong PH ambassador ng Asian Academy creative awards

Bongga, isang karangalan ang hatid ng batikang direktor na si Ruel Bayani matapos siyang italaga bilang ambassador ng Pilipinas sa prestihiyosong Asian Academy Creative Awards (AAA).

Kasama niya sa listahan ang respetadong media executives mula sa Myanmar, Vietnam, New Zealand, Australia, Indonesia, India, Bangladesh, Sri Lanka, Cambodia, China, Hong Kong, Japan, at Thailand na pinili ng AAA na maging ambassador para sa award giving body.

“Pinatunayan ng AAA’s na isa itong pinagkakatiwalaang awtoridad sa industriya at itinuturing kong malaking karangalan ang mapili na ambassador nito para sa Pilipinas,” sabi ni Ruel matapos ianunsyo ang kanyang pagkakapili.

Nakilala si Ruel sa pagdirek niya sa mga blockbuster na pelikulang Kasal, One More Try, at No Other Woman. Nagsilbi rin siyang direktor ng mga minahal na teleserye gaya ng Iisa Pa Lamang, Tayong Dalawa, at Budoy.

Sa kasalukuyan, siya ang ABS-CBN head for international production and co-production at pinamunuan ang unang pagsabak ng network sa Hollywood production sa pag-produce nito sa international action series na Almost Paradise kasama ang US TV at film outfit na Electric Entertainment.

Taon-taong kinikilala ng AAA ang husay sa iba’t-ibang disiplina ng sining sa telebisyon, digital, streaming, at makabagong teknolohiya.