KC nagmuni-muni sa Bora, napagkamalang si K Brosas

Ang harsh din talaga ng netizens kay KC Concepcion.

Nakakaloka na sa kabila ng pag-e-emote ni KC na hindi pa rin sinasagot ang mga isyu sa kanila ng nanay niyang si Sharon Cuneta ay naisip pa nilang kamukha ng komedyanang si K Brosas si KC na nasa Bora matapos dumalo sa kasal ni Jay-R and Mica Javier.

Eh obvious pa naman nakapagmuni-muni si KC sa mga bagay-bagay sa kanyang buhay habang andun.

“Bakit ganun pag nasa beach mapapaisip ka talaga ng malalim... Ano ang mga nangyayari sa buhay mo, saan ka thankful, saan ka magpray ng mas matindi pa, ano ung mga naging good, naging bad, mga memories, lahat na... Kaya sabi nila maganda talaga ang mag spend ng time sa beach! Nakaka heal, nakaka ganda Ito talaga ang the land of maraming hugot: FEELippines!!!” post ni KC gamit ang kanyang bikini photo na in all fairness ay pumayat na nga.  

Katy preggy na

Trending na trending kahapon ang pagbubuntis ng singer na si Katy Perry.

At ang ama ng pinagbubuntis ng pop superstar, ang Hollywood actor na si Orlando Bloom.

Ibinuko niya ang nalalapit na pagiging mommy niya sa kanyang music video.

Congrats Katy and Orlando. As if talagang kilalang-kilala natin sila ng personal. Hahaha.