Selena Gomez may trauma na sa social media!

Ang dating most-followed celebrity on Instagram ang nagsasabi na nakakasira ng pagkatao ang naturang photo-sharing app.

May 167 million followers ang singer-actress na si Selena Gomez at ayon sa kanya, the more followers you have, the more pressure raw na sumunod ka sa gusto nila at hindi sa gusto mong i-post.

Noong 2018, nagkaroon ng break sa social media si Selena dahil naging toxic na raw ito sa kanya. After two years, nakaramdam daw ng takot ang singer noong bumalik siya sa social media life.

“It was scary going back on - the first four days I was like, ‘No, there’s no way I can do this.’ What I do now is to only go on it when I feel like I need to, and then I’ll just log off, I won’t take time to explore or look at anything else,” diin pa niya.

Inamin ni Selena na mas naging masaya raw ang buhay niya noong naging inactive siya sa social media.“When I was out of social media, I was so much happier with just me, myself, how I looked, and that helped a lot. I just needed to let my old self go. I was purging multiple different things, but it was specifically who I was then.”

Rachelle Anne muntik sukuan ang international career

Naikuwento ni Rachelle Ann Go sa programang Tunay Na Buhay na muntik na pala niyang sukuan ang international theater career.

Noong mag-audition kasi siya para sa West End revival ng Miss Saigon noong 2014, isang taon daw siya naghintay ng resulta kung nakapasa ba siya o hindi para sa role ni Kim.

Kaya pakiramdam ni Rachelle ay hindi na siya pasok sa Miss Saigon.“Sabi ko baka wala na, hindi ko na nakuha yung role,” sey ni Rachelle na handa na sanang mag-move on hanggang sa may tumawag sa kanya for a callback at pinag-audition siya para sa ibang role.

Pinag-audition siya sa role ni Gigi Van Tranh, ang bar girl na naging kaibigan ni Kim sa musical. Pero muntik na raw mag-backout si Rachelle dahil alam niyang daring ang character ni Gigi at magsusuot siya ng mga revealing costumes bilang isang bar girl.

Inabot daw ng dalawang linggo bago pumayag si Rachelle na mag-audition for Gigi.“Kailangan na rin ako mag-decide at that time. Kahit takot ako, ginawa ko pa rin, ‘cause feeling ko magbubukas lahat ng pinto para sa akin out there,” sey ni Rachelle na nag-final audition sa London at agad siyang inalok na maging Gigi sa Miss Saigon.

And the rest is history para kay Rachelle. Bukod sa paglabas niya sa West End, naging Gigi rin siya sa Broadway revival ng Miss Saigon.

After Miss Saigon, nag-audition si Rachelle for Les Miserables at nabigay sa kanya ang role na Fantine.

Pagkatapos ng isang taon with Les Miserables, sumunod ang audition niya for Hamilton at napunta sa kanya ang role na Elizabeth Shuyler. This year ay muling bumalik sa musical na Les Miserables si Rachelle as Fantine.