Conservative pa rin Liza hate na hate nang mag-bikini

Nag-viral at talagang pinag-usapan ang wet look scene nina Liza Soberano at Enrique Gil sa pilot week ng Make It With You kung saan ay naka-swimsuit ang dalawa habang naliligo sa beach sa Croatia.

Hotness overload ang LizQuen especially Quen na talagang bumakat ang hindi dapat bumakat. “Ganu’n talaga, malamig du’n, saka basa, eh,” natatawang sabi ni Quen nang hingan namin ng reaksyon tungkol dito sa taping ng MIWY last Thursday.

Ano naman ang masasabi ni Liza? “Oh my gosh, I hate that scene. Coz I don’t like wearing swimsuits. I really don’t wear swimsuits kahit sa totoong buhay. Coz I’m very conservative so I was very uncomfortable.

“But of course, I had to do it for the show. So, I’m happy I kinda overcame that obstacle but I don’t think I would do it again,” sey ni Liza.

Ano naman ang masasabi niya sa mga reaksyon at papuri ng mga tao kay Quen? Nababasa naman niya, di ba?

“Yes, ‘yung Felix, something like that,” sey ni Liza na bumubungisngis. “Wala, hihihi. I showed him all the tweets, it’s funny. I guess it’s flattering for Quen. Pero ako, parang nao-awkward ako pag binabasa ko. But it’s cute. Lahat ng tao, natutuwa naman sa scene, so I’m really happy,” masayang sabi ni Liza.

Ang challenge pa raw sa scene na ‘yun ay sobrang ginaw sa Croatia that time. Pero sabi raw ng mga tao sa kanila ay “warm” pa raw ‘yun.

Natutuwa naman ang LizQuen sa magandang reception ng manonood sa kanilang serye dahil sobra raw din nila itong pinaghandaan talaga.

“It feels really, really great. We’ve been working hard on this show. I mean, from Croatia, hanggang dito,” sabi ni Quen.

At kung sa story ngayon ay medyo malabo pa ang love story nina Gabo (Quen) and Billy (Liza), antayin na lang daw ang mga coming episodes dahil siyempre, mababago rin ang takbo ng kwento.

Kris bagay na ring pakasal

Congratulations to Kris Bernal na engaged na rin sa kanyang non-showbiz businessman boyfriend na si Perry Choi. Ipinost ng Nice Print Photo sa kanilang Instagram account ang mga larawan ng wedding proposal ng huli sa aktres last Thursday na talaga namang nakaka-good vibes.

Makikita sa mga larawan ang pagluhod ni Perry kay Kris, ang gulat na gulat na reaksyon ng aktres at finally, nang suot na niya ang engagement ring.

Nasa edad na rin naman si Kris, she’s 30 years old at three years na rin ang kanilang relasyon ng businessman BF.