Sharon iniinggit si KC?!

Binigyan ng isyu ng netizens ang pagpo-post ni Sharon Cuneta tungkol sa mga anak na sina Frankie at Miel Pangilinan na my “precious girls” ang kanyang tawag habang magkayakap sa airport. Ang first picture ay nang dumating si Frankie noong December 18 at paglipad ni Frankie for New York noong January 19.

Post ni Sharon: “These photos are so sweet. These are my loving, good-hearted girls who truly treasure me and our family. I am so proud to be their mother.”

May nag-comment na pagseselosan ni KC Concepcion ang kanyang post at may laman daw ang caption ni Sharon. Nabanggit din ng netizen na January pa ang tweet ni Frankie, bakit daw ngayon lang niya pinost kung kailan nag-dinner date sina KC at Gabby Concepcion.

Siguradong nababasa ni Sharon ang mga comment, pero hindi na niya sinagot. Ang maka-Sharon at maka-KC ang nagtatalu-talo sa IG ni Sharon. Ang nakakalungkot lang, pati ang mga walang alam sa tunay na nangyari at nangyayari kina Sharon at KC, nagko-comment.

Dapat na ngang magkita at mag-usap sina Sharon at KC, pero sino ang mauunang gumawa ng move para sila’y magkita at magkausap?

On Vodka… nina JC at Bela bawal sa hindi pa 13-anyos

Nabigyan ng R-13 rating ng MTRCB (Movie and Television Review and Classification Board) ang Viva Films movie na On Vodka, Beers, and Regrets starring Bela Padilla and JC Santos sa direction ni Irene Villamor.

Ano kaya ang nasa pelikula para R-13 ang maging rating nito at bawal manood ang wala pang trese anyos?

Anyway, nagkaroon ng advance special screening ang movie nina Bela at JC sa UP at PUP noong isang araw at puro positive ang nababasa naming comments. Marami na namang na-in love sa karakter nina Bela at JC na sina Jane at Francis respectively.

Bukas na ang regular showing ng On Vodka, Beers, and Regrets na sabi ni direk Irene, JC at Bela, marami ang makaka-relate sa story, lalo na sa karakter ni Bela.