Heart natatakot sa coronavirus

Dahil sa threat ng Novel Coronavirus, hindi raw muna magbibiyahe si Heart Evangelista-Escudero after ng kanyang trip sa Paris Fashion Week.

Kaya sa nalalapit na New York Fashion Week (Feb­ruary 6 to 13), ay hindi makikitang ruma­rampa sa streets of NYC si Heart dahil pass daw muna siya this year.

“New York, I’ll see you some other time. Hold muna ang mga bagay bagay stress,” post ni Heart sa Instagram.

Nakikiisa si Heart sa mara­ming Pinoy na nag-ii­ngat na huwag mahawaan ng nCoV na nasa bansa na raw.

Kaya postponed daw muna ang mga future travels niya at kapag lumalabas siya ay may face mask din siyang suot.

Nagpaalala naman si Heart sa kanyang mga followers sa social media na mag-ingat and take proper care ng kanilang health.

Pinatutsadahan nga ni Heart ang mga netizen  na nagsasabi na masyado raw OA (over-acting) ang Pinoy na mahawaan ng sakit.

“It’s funny how people think others are exaggerating. They live in a bubble. Lahat pwede magkasakit. K? Stay safe,” post ni Heart sa IG Stories niya.

J.Lo at Shakira bobonggahan ang performance sa Super Bowl para kay Kobe Bryant

Bibigyan ng isang heartfelt tribute sa 2020 Super Bowl on February 3 sa Hard Rock Stadium in Miami, Florida ang basketball legend na si Kobe Bryant.

Ang magpe-perform sa halftime show na sina Jennifer Lopez at Shakira ay nangako na hindi lang dance numbers ang gagawin nila sa kanilang performance kung hindi bibigyan din nila ng deserving tribute ang isa sa greatest athlete ng buong mundo.

Ayon kay J.Lo, ang kanyang fiance na si Alex Rodriguez ang nagbalita sa kanya sa nangyari kay Kobe at sa anak nitong si Gianna.

“Alex came to me with tears in his eyes, and he’s like, ‘You’re not going to believe what happened.’ He was devastated. He knew Kobe really well. I knew Kobe and Vanessa more in passing. He had come to my last show in Vegas—the both of them—as a date night and we had a beautiful night that night.

“I think of how awful that must be for her right now. I’ve just been praying that God guides her through every moment because she has three more babies to take care of and just wishing that the nightmare was over but it’s not going to be. That’s life and we have to carry on. But at the same time, it affects us and it will affect us forever.”

Sey naman ni Shakira: “We are hoping to spread love and kindness and bring everybody together. I think we will all be remembering Kobe on Sunday. We’ll be celebrating life, and celebrating diversity in this country.”

Jasmine mas excited pang mag-alaga ng baby kesa kay Anne, kasal sa BF wala pa sa plano

Mas excited pa raw si Jasmine Curtis Smith sa pagdating ng first baby ng kanyang Ate Anne Curtis.

Gusto na raw kasing maging tita ni Jasmine kaya panay raw ang kumusta niya sa kanyang Ate Anne via Facetime sa Australia.

“Sobrang excited ko nang maging tita.

“I said nga kanina I think that’s one of the roles I’m most excited for this year, more than anything.

“It’s an addition to the family, another person to love. It’s just exciting to get to know our new addition sa family,” sey ni Jasmine sa media conference ng Descendants of the Sun ng GMA-7.

Sa March 2020 nga ang due date ni Anne at sana raw ay hindi siya masyadong busy by that time para makalipad siya to Australia at maka-join siya sa pagdating ng kanyang niece.

Mahilig daw kasi sa mga bata si Jasmine kaya ma-i-spoil daw ang kanyang paparating na pamangkin.

“When I had a younger cousin, I already felt so addicted to taking care of that cousin, what more if pamangkin ko.

“Feeling ko ‘pag wala akong work, tambay ako sa house nila, nag-aalaga or inaagaw ‘yung baby, feeling ko,” tawa pa niya.

Maayos naman daw ang kalagayan ni Anne sa Australia. Mas mabuti raw na nandoon siya para magkaroon ito ng privacy at walang makaka-stress dito. At nandoon din ang kanilang ina para gabayan si Anne sa pagbubuntis nito.

“It’s a good decision na nasa Australia si Ate. Kasama na roon ang time away from work. Break din so she can have time with the baby.

“Siyempre, iba rin naman when she was here, ibang level ng privacy.

“More than that, I think she also wants to be with near mom and to spend time with mom during the very important time of her life and womanhood.

“Siyempre, ang tagal din nilang naghiwalay in terms of living together every day. Siguro malaking factor na rin ‘yon.”

Matagal naman daw bago magkaroon ng sariling baby niya si Jasmine.

Four years na ang relationship ni Jasmine sa kanyang boyfriend na si Jeff Ortega. Hindi pa raw tamang oras para mag-settle down sila and have a family.

“When it happens, you know, at the right time. Siguro in five years pa.

“I’m hopeful thinking na in a few years pa ‘yan but when it happens, if it feels right, hindi rin natin alam,” diin pa niya.