Heart nakakalula ang walk-in closet!
Ang dami na namang napa-“sana all” o “sana oil” nang makita ang post ni Heart Evangelista na nasa kanyang walk-in closet siya. Paano ka naman hindi maiinggit sa mala-boutique na walk-in closet sa rami ng shoes at mga damit.
Kitang-kita sa picture ang rami ng pairs of shoes ni Heart na sa rami, kahit araw-araw siyang magpalit, hindi siya uulit ng sapatos. Parang hindi pa kasama sa naka-display ang flat shoes at rubber shoes niya na marami rin at nakikitang gamit niya ‘pag nagwu-workout siya.
Naalala namin ang nabanggit ni Heart noong ginagawa pa lang ang bahay nila ni Gov. Chiz Escudero sa New Manila na isa ang walk-in closet sa pinaka-importanteng parte ng bahay niya para sa kanya.
Speaking of Heart, gusto pa rin nitong magka-baby sila ni Gov. Chiz dahil sa isa niyang post, sabi nito patungkol sa Ferragamo’s bag, “it’s a brand that even my mom loved. Their BOXYZ bag is definitely something that will last forever, and something I’ll hopefully pass on to my daughter one day.”
Giliw na giliw din si Heart sa niece niyang si Isabella Wolff na anak ng sister niyang si Camille at Andrew Wolff. Ang tawag niya sa baby ay “instant mood lifter” niya.
Christian sikat pa rin sa Indonesia
Sikat pa rin hanggang ngayon sa Indonesia si Christian Bautista dahil sa Valentine concert ni Ronan Keating sa Indonesia, kasama at ang Indonesian singer na si Bunga Citra Lestari. O, di ba, pwede namang parehong Indonesian singers ang kunin na makasama ni Ronan Keating, pero si Christian ang kinuha.
Actually, post-Valentine concert ang gagawin nina Ronan Keating, Christian at Bunga Citra Lestari dahil sa February 29, 2020 pa gagawin sa Jakarta Central Park.
Pang-iimbita ni Christian, “Hello friends from Indonesia, Apa kabar? I would like to see all of you soon!Let’s have a Romantic Valentine Concert together with @bclsinclair and @rokeating. We have many good and Romantic songs ready for you.”
Anyway, hindi pa rin napanood si Christian sa second episode ng All-Out Sundays dahil taped ang episode kahapon at dahil ito sa nagpunta sa Japan si Alden Richards na isa sa host ng Sunday musikomedya ng GMA 7.
- Latest
