Lovi nagpalipas ng Pasko sa producer na BF!

Sa Los Angeles, California, USA nagpalipas ng Pasko si Lovi Poe kasama ang kanyang L.A.-based boyfriend, ang Englishman producer na si Montgomery Blencowe.

Si Montgomery na ipinanganak sa Brighton, United Kingdom ay siyang nag-produce ng mga pelikulang The Prince, Heist, Marauders at Escape Plan 2.

Si Montgomery rin ang dahilan kung bakit nagtagal sa L.A. ng ilang buwan si Lovi.

Bago niya nakilala si Montgomery ay almost two years na naging kasintahan ni Lovi ang Filipino-French guy na si Chris Johnson. Ang iba pang na-link kay Lovi ay sina Rocco Nacino, Jake Cuenca, Jolo Revilla at Ronald Singson.

Aga tinanggap agad na hindi best actor

Ang mga taong nakapanood na ng pelikulang Miracle in Cell No. 7 ang nag-react sa hindi pagkakapanalo ni Aga Muhlach bilang Best Actor sa katatapos pa lamang na Gabi ng Parangal ng Metro Manila Film Festival na ginanap sa New Frontier Theater nung nakaraang Biyernes, December 27.  Pero magaang tinanggap ni Aga ang kanyang pagkatalo kay Allen Dizon na siyang pinaboran ng mga hurado dahil sa kanyang mahusay na pagkakaganap sa Mindanao na pinagtambalan nila ni Judy Ann Santos na siya ring nanalong Best Actress.

Nakapag-uwi ng 11 awards ang Mindanao na siya ring tinanghal na Best Picture at siya ring nagbigay ng Best Director award kay Brillante Mendoza na siya ring producer ng pelikula.

Ang iba pang awards na nakuha ng Mindanao ay ang Gatpuno Antonio Villegas Cultural Award, Fernando Poe, Jr. Memorial Award, Gender Sensitivity Award, Best Child Actress (Yuna Tangog), Best Sound, Best Visual Effects at Best Float.

Pitong awards naman ang naiuwi ng pelikulang Write About Love na dinirek ni Crisanto Aquino who also co-wrote the movie under TBA Studios. Nakuha ng pelikula ang Best Supporting Actress (Yeng Constantino), Best Supporting Actor (Joem Bascon), 2nd Best Picture, Best Screenplay, Best Musical Score at Special Jury Prize Award for Director Crisanto Aquino.

Ang 3rd Best Picture ay napunta sa kaisa-isang horror movie entry sa MMFF, ang Sunod na pinagbidahan ni Carmina Villarroel. Nakuha rin nito ang Best Production Design at Best Cinematography, habang ang pelikulang Culion naman nina Iza Calzado, Jasmine Curtis-Smith at Meryll Soriano ay ginawaran ng Special Jury Prize Ensemble Award.

Other awards given ay ang Special Jury Prize (Short Film) para sa pelikulang Bronze, Silver, Gold at Anting-Anting at Best Student Short Film naman ang Pamana ni Lola.

Tinanghal namang Male Star of the Night si Aga Muhlach at si Carmina Villarroel naman bilang Female Star of the Night.

Namahagi rin sa Gabi ng Parangal ng Hall of Fame Awards para sa iba’t ibang kategorya tulad ng Best Actress para kina Nora Aunor, Vilma Santos-Recto, Maricel Soriano at Amy Austria. Best Actor kina Anthony Alonzo, Cesar Montano at Chistopher de Leon, Best Supporting Actress kina Eugene Domingo at Cherie Gil, Best Director – Marilou Diaz-Abaya, Joel Lamangan at Jose Javier Reyes, Best Visual Effects – Roadrunner Network, Inc., Best Art Director – Rodel Cruz and Joey Luna, Best Cinematographer – Rudy Lacap, Carlo Mendoza, Romy Vitug and Lee Meily, Best Sound Engineer – Ditoy Aguila, Michael Idioma, Rolly Ruta, Best Musical Score – Dionisio Buencamino, Von de Guzman, Jaime Fabregas at Jesse Lasatin, Best Editing – Vito Cajili, Manet Dayrit, Jess Navarro at Edgardo Vinarao at Best Screenplay – Roy Iglesias, Ricky Lee and Jose Javier Reyes.

Kung kakayanin lamang ng bulsa ng mga manonood, maganda sana kung mapapanood din nila ang mga pelikulang Sunod, Mindanao, Culion at Write About Love na pare-parehong magagandang pelikula.