Dingdong at Marian lalagare sa 2020!
Ang mag-asawang Dingdong Dantes at Marian Rivera ang pambuwena-manong handog ng GMA Network sa unang bahagi ng 2020 sa magkahiwalay nilang primetime series.
Si Jennlyn Mercado ang kapareha ni Dong sa inaabangang Philippine adaptation ng Korean drama na Descendants of the Sun.
Bibida naman si Yan sa light drama na First Yaya kung saan si Gabby Concepcion ang kapareha niya.
Wala pang ibang detalye sa airing ng series ng Dong-Yan pero bongga kung isasabak ‘yon sa series ni Coco Martin, huh!
Anyway, bukod sa separate series nina Dong at Yan, ang isa pang programa sa primetime ng Kapuso Network ay ang Love of My Life nina Carla Abellana, Rhian Ramos, Mikael Daez at Coney Reyes. Special participation dito ang boyfriend ni Carla na si Tom Rodriguez.
Juday pinayuhang namnamin muna ni Sarah si Matteo
“Just enjoy the years na kayong dalawa lang!” Ito ang bahagi ng mensahe ni Judy Ann Santos kay Sarah Geronimo bago ikasal kay Matteo Guidicelli.
Dagdag ni Juday, “Namnamin mo, intindihin mo mabuti. Pagsilbihan mo ang asawa mo.
“I’m sure si Matteo Guidicelli will serve her, take good care of her, and protect her.
“Namnamin niya yung moment because iba yung first months and first years nang bagong kasal. Ang sarap!” pahayag ni Judy Ann sa interview sa kanya ni Boy Abunda sa Tonight with Boy Abunda noong isang gabi.
- Latest
