Nora magkokontrabida?!

MANILA, Philippines — Maraming kumokontra pero marami rin namang Noranians ang excited at payag na magkontrabida ang kanilang idolo na si Nora Aunor sa bago nitong serye na Bilangin Ang Bituin Sa Langit na ididirek ni Laurice Guillen.

Makakasama rin niya sina Mylene Dizon at Kyline Alcantara.

Nakakasawa naman daw kasi na palagi na lang inaapi si Nora, parang mas maganda naman daw na siya naman ang mang-aapi at magpapahirap.

Anne sumasama pa rin kay Vice kahit malaki na ang tiyan!

Ayaw magpaawat ni Vice Ganda sa kanyang Metro Manila Film Festival entry niyang The Mall, The Merrier. Bagong mga karakter ang kanyang ipinakita sa trailer ng nasabing pelikula. Maging si Anne Curtis ay umarangkada kahit pa during that time siguro ay wala siyang kaalam-alam na buntis na pala siya.

Kahit buntis ay sinasamahan pa rin ng huli si Vice sa pagpo-promote ng The Mall… pero sa buwan ng February ay magsisimula nang magpahinga si Anne dahil sa kanyang maternity leave.

Samantala, hindi naman papahuli ang boyfriend ni Vice na si Ion Perez. Balitang kasama rin siya sa pelikula,

Tignan na lang natin ang gagawin nilang pasabog.

Coco bitbit pa rin ang mga taga-Probinsyano sa 3pol…!

Parang soap opera pa rin ang entry nina Coco Martin at Jennylyn Mercado na 3pol Trobol: Huli ka Balbon sa MMFF. Paano, eh kasama pa rin niya ang cast ng FPJ’s Ang Probinsyano roon.

Kagatin pa rin kaya ng moviegoers ito? gayung parang nanonood lang daw sila ng Ang Probinsyano dahil sa mga artista.

Ayon naman kay Coco, sinisigurado niyang may kakaiba silang ipapakita this time at hindi raw mararamdaman ng mga manonood na nasa Ang Probinsyano sila.

Marami raw silang pasabog nina Jennylyn at AiAi delas Alas na dapat abangan.

Maligayang kaarawan!

Birthday greetings to December born celebrities na sina Sen. Franklin Drilon, Jeric Vasquez, Rainier Morales, Elpie Ramos, Maan Hontiveros, McCoy De Leon at Heaven Peralejo.