Miss U Philippines iba na ang hahawak!

Sad naman ang news na tuluyan nang tumiwalag ang Miss Universe Organization sa Bb. Pilipinas Charities Inc. dahil sa susunod na taon, ang Miss Universe Philippines Organization na ang pipili at magpapadala ng kandidata sa Miss Universe.

Matagal nang tsismis na mawawala na ang Miss Universe sa kamay ni Mrs. Stella Marquez de Araneta pero pinabulaanan nito ang isyu.

Pero lumabas din ang katotohanan matapos ang coronation night ng 68th Miss Universe dahil sa official statement na inilabas kahapon ng Miss Universe Organization. Once again, napatunayan na totoo ang kasabihan na kapag may usok, may apoy dahil sa pahayag ng Miss Universe Organization.

“The Miss Universe Organization is thrilled to announce its partnership with the Miss Universe Philippines Organization - a fresh team that will lead the country towards its continued quest to share the beauty and grace of the Filipina to the rest of the world.

“The new organization will be headed by Shamcey Supsup as the National Director. She will be joined by Albert Andrada as the Design Council Head, Jonas Gaffud as the Creative Director, Lia Ramos as Head of Women Empowerment Committee and Charity, Atty. Nad Bronce as Head of Legal Affairs, and Mario Garcia as Business Development/ Marketing Head,” ang bahagi ng statement nila tungkol sa bagong hahawak ng Miss Universe sa bansa.

Gazini thankful pa rin

Luz Valdez sa 68th Miss Universe ang Philippine bet na si Gazini Ganados pero hindi naman daw siya nalulungkot dahil ginawa niya ang lahat para sa ating bansa.

At least, good loser si Gazini na hindi umiyak dahil tanggap niya ang naging kapalaran sa Miss Universe. Ang nanay raw niya ang umiyak.

Thankful si Gazini sa Miss Universe dahil nabigyan ng US visa ang kanyang madir kaya nakalipad ito sa Amerika para suportahan ang anak sa laban nito.