Gazini magre-request ng interpreter sa Miss Universe

MANILA, Philippines — Hindi nahiyang sabihin ni 2019 Miss Universe Philippines Gazini Ganados na baka humiling siya ng interpreter pagdating sa Q&A ng Miss Universe pageant na gaganapin sa Atlanta, Georgia. Gusto raw kasi ni Gazini na iparinig sa audience ng Miss Universe ang pinagmamalaki niyang Visayan language. “I will think about it. Kasi I would like to showcase the Bisaya language in an international arena.

“Of course, I’m a proud Bisaya myself...But then again, I have to reconsider because not all people can understand that language. So, I will reconsider that po,” ngiti pa ni Gazini.

Sumang-ayon naman si Miss Universe 1969 Gloria Diaz sa gustong mangyari ni Gazini. Malaking tulong din daw ang magkaroon ng interpreter sa isang prestigious pageant na tulad ng Miss Universe.

Hindi raw nakakahiya kung hihiling ka ng interpreter.“If that’s what will make them comfortable... And, you know, when you have an interpreter, you have one minute to breathe. So...that’s a plus,” diin pa ni Gloria Diaz.

Juancho 11 years bago natapos ng college!

Nakahinga na ng maluwag ang malapit nang ikasal na si Juancho Trivino dahil sa wakas ay ga-graduate na siya mula sa kanyang kurso na business management sa De La Salle University sa Manila.

Inabot ng 11 years si Juancho bago niya natapos ang kanyang kurso dahil sa sunud-sunod na trabaho sa GMA-7. Bukod sa morning show na Unang Hirit, bida pa si Juancho sa teleserye na Madrasta.

Pinost ng Kapuso leading man ang kanyang naging final defense sa kanilang group thesis at nakakuha sila ng 96% grade.

From a reliable source, February 2020 ang buwan na ikakasal sina Juancho at Joyce. Kaya nabanggit ng aktor na mauuna pa siyang ikasal bago ang college graduation niya.