Regine viral pa rin nang makasama si Catriona

Trending ang video ni Regine Velasquez habang katabi niya si Miss Universe 2018 Catriona Gray sa isang event ng Frontrow ay makikitang para siyang na-starstruck sa beauty queen.

Priceless ang reaksyon ng mukha ni Songbird na naging meme pa sa Facebook.

Titig na titig siya kay Catriona habang nagsasalita, na siya namang ikinatawa ng netizens.

Parehong maganda ang boses nina Regine at Catriona, at may hula ang fans ng huli na posibleng i-pursue nito ang kanyang singing career pagkatapos ng reign as Miss Universe.

Samantala, katatapos lang ipalabas ng pelikula ni Regine na Yours Truly, Shirley na nagsisilbi ring kanyang comeback film. Katatapos lang din ng Iconic concert nilang dalawa ni Sharon Cuneta at magkakaroon pa ito ng US at Canada Tour sa May na siyang inaabangan ng Pinoy fans sa ibang bansa.