Catching… ni Inigo, napansin din sa abroad!

Trending ngayon ang kanta ni Inigo Pascual na Catching Feeling. Hindi lamang dito sa bansa, kung hindi maging sa ibang foreign countries din.

Naging dance challenge na raw ito para sa mga foreigner.

Proud ang fans ni Inigo dahil bibihira lamang ang artist na nakakapasok sa international scene, at nagte-trending pa.

Kanya-kanya ang mga netizen sa paandar sa pagsayaw sa nasabing kanta, na siyang ikinaaliw ni Inigo.

Kinikilig din ang mga kababaihan sa version ng pagsayaw ni Inigo dahil may pagka-sexy ang kanyang dance moves.

Siyempre proud na proud si Piolo Pascual sa kanyang anak na mula nang magpagupit ay nagmukha na lang silang magkapatid ni Inigo.

Pagdating naman sa usaping pag-ibig, masaya si Inigo ngayon sa paggawa ng musika, bagama’t naghiwalay na sila ni Maris Racal, nananatili pa rin naman silang magkaibigan.