Manok na Pula, tuloy ang pagba-viral!

Trending ngayon ang kantang Manok na Pula na ang original lyrics ay mula sa Visayan YouTube sensation na si Vic Desucatan. Dahil sa LSS ang kanta ay marami na ring ang gumawa ng sari-sarili nilang version nito sa social media.

Ang kanta ay parody mula sa Just Another Woman in Love na pinasikat ni Anne Murray.

Actually marami nang pinaglaruang kanta ang proud Bisaya na si Vic, pero ang pinakasikat ay itong latest niyang Manok na Pula.

Kung nakakatawa ang original version ng Manok na Pula na dedicated sa mga sabungero ay hindi rin nagpahuli ang ibang netizens sa paggawa ng iba’t ibang idea ng parody ng kanta na mula sa manok na pula, bag na pula, manok na puti, perang pula, motor na pula at kung anu-anong pang kabaliwan. Tila naging anthem na ito bilang stress reliever ng marami.

Akalain bang isa sa most requested song sa radio na umabot na nang mahigit 12 millions views sa YouTube channel pa lamang.