Coco nagpa-birthday sa mga batang may cancer!

Kahapon (Nov. 1) ay ipinagdiwang ni Coco Martin ang kanyang ika-39 na kaarawan and as always, hindi nakalimot ang rumored girlfriend na si Julia Montes na batiin siya sa social media na taun-taon ay ginagawa niya.

Maikli lang ang greetings ni Julia posted in her Instagram account. “HBD” lang ang inilagay niyang caption with cake and blowing kiss emoji pero sapat na ito para kiligin ang CocoJuls fans.

Komento nga ng isang netizen sa isang online thread, simpleng-simple lang daw ang galawan pero ang lakas ng impact.

Samantala, si Coco naman ay nagkaroon ng birthday charity event last Oct. 31 sa mga cancer patients sa Philippine Children’s Medical Center.

Ayon sa Facebook post ni Eric John Salut ng Dreamscape Entertainment, pang-apat na raw itong birthday charity event ni Coco sa PCMC kung saan ay nagpaligaya ang aktor at mga kasamahan sa FPJ’s: Ang Probinsyano ng mahigit sa 80 cancer patients ng nasabing ospital.

Bukod dito ay nagkaroon din ng celebration si Coco sa Nayomi Sanctuary Resort in Batangas kasama ang kanyang FPJAP Boys kabilang na sina Michael de Mesa, Raymart Santiago, Jobert Austria, Arron Villaflor, John Prats among ­others. Birthday ride ang concept ng celebration dahil nagmotor silang lahat patungo sa Batangas.

Naka-upload na sa YouTube account ni Coco ang nasabing selebrasyon kung saan ay makikita ang kanilang masayang bonding. Mukhang strictly for boys ang birthday bash dahil wala kaming nakitang kahit isang babae.

Gab tuloy ang pakikipaglaban sa mental health problem

Sa kanyang recent Instagram post ay inamin ng anak ni Gary Valenciano na si Gab Valenciano that he has been battling mental health problem.

Kalalabas lang ni Gab ng hospital at aniya ay six days din siyang na-confine.

“After six long days, I am finally out of the hospital. To understand mental health you must try to understand people on a different level, which is close to impossible as we are all made differently.

“But that is what makes life so fragile, so vulnerable, beautiful even. The divergence, the fight, the battle and the will to continue on.

“Remember, you don’t need to be mentally ill to advocate mental health. We are all subject to mental vulnerability, no exemptions. Your circle will help define the details of your path, so choose them wisely.

“Here’s a thumbs up to all those fighting these invisible wars on a daily basis, and to those who support our cause. I post stuff like this not for sympathy, but to show that choosing to fight is all we have, so might as well fight with everything we’ve got.

“My heart also goes out to every single person who has supported me through this entire ordeal. Alive to fight another day, alive in every single way,” ang mahabang post ni Gab.

Matatandaang kamakailan ay umamin ang singer na nag-attempt siyang mag-suicide at salamat sa Diyos na hindi ito nag-succeed.

Joross at Kylie mag-asawa sa IM

Ngayong Sabado (Nov. 2) ay mapapanood si Joross Gamboa bilang bida sa episode ng Ipaglaban Mo titled Hukay. 

Gagampanan ng aktor ang selosong asawa na handang hamakin ang lahat para sa kanyang kabiyak na ginagampanan ni Kylie Versoza.

Samantala, nagpapasalamat ang buong team ng Ipaglaban Mo sa mataas na ratings na nakuha ng programa last week sa episode na Barang na pinagbidahan nina Kira Balinger at Arron Villaflor.

Ayon sa datos ng Kantar Media National TV ratings, nakakuha ng 19.3% ratings ang Barang episode against 11% ng kalabang show.