Sarah at Matteo ine-expect ang pagrampa sa premiere ng pelikula

Isa sa official soundtrack na lalabas sa pelikulang Unforgettable ni Sarah Geronimo ang kanta niyang Saglit Lang.

Soundtrack pa lang ang naririnig ng mga tao, pero nata-touch na sila agad. Para kang nakikinig ng kuwento pero nasa isang kanta siya.

Sina Thyro Alfaro at Yumi Lacsamana ang naglapat ng kanta sa Saglit Lang.

Samantala, excited na ang fans sa showing ng Unforgettable under Viva Films at The Idea First Company nina directors Jun Lana at Perci Intalan

Hindi na nila mahintay na mapanood ang mangyayaring adventure kay Jasmine (Sarah) at sa asong si Happy na ginagampanan ng napakatalinong aso na si Milo. Si Milo ay isang Jack russell terrier na sikat sa social media, madalas siyang mapanood sa Milo And Friends kung saan kasama rin niya ang iba pang aso na tinuturuan at tini-train din ng kanilang pasensyosong owner.

Inaabangan na ng lahat kung sasamahan ba ni Matteo Guidicelli si Sarah sa premiere ng nasabing pelikula, o baka si Milo ang kasama niyang rarampa? Puwede namang dalawa sila, mas cute iyon na tingnan.