Concert nina Sharon at Regine, tambak ang sponsors!

Alam mo, Ateng Salve, ayokong maging spoiler sa Iconic concert mamaya (at bukas), pero sa rehearsal pa lang nina Sharon Cuneta at Regine Velasquez-Alcasid ay grabe na ang pakiramdam ko dahil ang galing-galing nila, huh!

Opening number pa lang, grabe na sa ganda!

Bagay na bagay silang magkasama. Ang galing-galing ng mga duet nila at solo. Ang bongga!

Kaya, Ateng Salve, hindi naman nakakapagtaka na sold-out ang tickets ng two-night ng Iconic concert, ‘noh?

For sure, magkaka-traffic-traffic mamaya sa Araneta City dahil marami ang magpupuntahan para sa Iconic concert!

Anyway, gustong pasalamatan ng producers na sina Cacai Velasquez-Mitra, Tita Sandra Chavez at Nancy Yang, ang presentors ng concert, ang PLDT Home, San Miguel Corporation, Pagoda Philippines, Family Rubbing Alcohol ang major sponsors sa pangunguna ng Front Row, Katinko, McDonald’s, Jollibee (bihirang mangyari na parehong sponsor ang dalawang fastfood-chain), The Aivee Clinic at GAOC.

Official Residence naman ng Iconic team ang Novotel Hotel Manila sa Araneta City at minor sponsors ang Kaiser International Health Group, Inc., Regent Foods at Luxent Hotel.

Siyempre, thank you rin sa Manila Bankers Insurance na namigay ng free insurance sa mga dumalo sa second presscon ng Iconic.

O, Ateng Salve, sa ganda ng Iconic, huwag kang mali-late mamaya, huh!

Marjorie at Gretchen

nagsabong sa burol ng ama!

Sad ako, Ateng Salve, sa tsikang nagsabunutan sina Gretchen Barretto at Marjorie Barretto sa wake ng yumaong tatay nila na si Mr. Miguel Barretto.

Sana naman, magkaayos din silang dalawa bago pa man ilibing ang yumaong tatay nila.

Ka-sad kasi kapag nag-aaway ang magkakapamilya.

Sana huwag nang lumaki pa ang issue sa mag-ate.

Sana may mag-bridge ng gap nina Gretchen at Marjorie.

Mas maganda pa rin kasi na one big happy family sila!

Ako, Ateng Salve, dahil pare-parehong mababait sa akin sina Gretchen, Marjorie at Claudine, I’m really praying na maging ok na silang magkakapatid, ang buong pamilya nila!

I’m sure, agree kayo ni Manay Lolit Solis, Ateng Salve!

‘Yun na!