Kylie laglag?, Jake at Maxine magpe-perform sa Hong Kong para sa mga Pinoy

Alam mo, Ateng Salve, siguro naman by November 17 ay tapos na ang mga gulo sa Hong Kong dahil ang TFC (The Filipino Channel) ay nagsu-support sa beauty pageant doon ng mga kababayan natin, ang Ms. Barkadahan 2019 na gaganapin sa Macpherson Stadium, in Mongkok.

Sabi ng mga taga-Global Corporate Communications ng ABS-CBN,

“This is the second year TFC is partnering with Hong Kong’s telecommunications company, SmarTone Mobile Communications Limited, in organizing the annual ‘Ms. Barkadahan 2019’ beauty pageant, which aims to empower and inspire overseas Filipinos by putting the spotlight on their success in a foreign land.”

Dagdag pa nila, “Everyone in the event is in for a treat as TFC flies to Hong Kong ‘Los Bastardos’ stars, Jake Cuenca and Maxine Medina, who will prepare performances that will surely have everyone on their feet.”

Hmph! Hindi ba si Kylie Verzosa ang girlfriend ni Jake, bakit kaya hindi na lang siya ang isinama ng TFC sa event na ‘yon?

Eh, naging part din naman ng Los Bastardos si Kylie, huh!

Teka! Hindi kaya sumama rin si Kylie kay Jake?

At teka uli! If ever na sasama nga si Kylie kay Jake, maging comfortable kaya si Maxine na nakaalitan niya bago nagtapos ang kanilang afternoon series?

Pero, baka naman comfortable na uli talaga sila sa isa’t isa lalo na at may balita namang nagbati na talaga sila, ‘noh?!

Well...

Anyway, para sa mga kababayan natin sa Hong Kong, may paalala ang mga taga-TFC, “Buy your event pack now sold at HKD 50 and get one ticket for the ‘Ms. Barkadahan 2019’ event, SmarTone Recharge Voucher worth HKD 20, and a TFC Online Load Card worth HKD 60. The first 200 who will activate their TFC Load Card from the event pack will get to have a photo with Jake Cuenca and Maxine Medina.”

Burol ni Amalia dinagsa ng mga beterano

Kahapon ay nakita ko sa Greenhills, San Juan ang former Sampaguita star na si Daisy Romualdez.

Nagmamadali siya dahil pupunta na raw siya sa Mt. Carmel Church para sa burol ng yumaomg aktres na si Amalia Fuentes.

Nasa burol na raw kasi ang veteran actress na si Barbara Perez at hinihintay siya.

Sabi pa ni Tita Dai, “Pupunta sa burol ang Mama mo, pati si Cocoy.”

Ang tinutukoy ni Tita Dai na Mama ko ay si Annabelle Rama at Cocoy naman ang tawag niya kay Eddie Gutierrez.

Salpukan nina Alden at Juday magkakaalaman na!

Ang pilot telecast kagabi ng Starla na pinagbibidahan ni Judy Ann Santos.

Grabe ang promotions ng ABS-CBN sa pagbabalik primetime series ni Juday!

Hindi maikakailang isa sa most important stars ng Kapamilya network si Juday!

Ngayong araw na ito lalabas ang pilot telecast ratings ng Starla, kaya malalaman kung kumusta ang salpukan nila kagabi ng series na pinagbibidahan ni Alden Richards sa GMA-7.

‘Yun na!