Maine misteryoso ang tingin kay Carlo

Natapos na rin ang shooting nina Maine Mendoza at Carlo Aquino ng first movie team-up nila ang Isa Pa With Feelings ng Blacksheep Productions at APT Entertainment.

Tweet ni Maine last Friday morning: “AAAAND IT’S A WRAP #IsaPaWithFeelings #SEPANX  (Oct. 4, at five in the morning).”

Bago nagtapos ng shooting si Maine, naging special guest pa siya sa MOR 101.9 ni DJ Eva Ronda. Doon natanong si Maine kung ano ang pagkakilala niya sa bago niyang leading man.“Mysterious!” iyon ang sagot ni Maine. “Minsan kasi hindi ko alam kung may problema siya, basta tahimik lang siya, kapag kinausap mo naman, sumasagot siya, pero maya-maya pa ang kulit na niya, mahilig niya akong asarin at nagso-sorry siya kapag naiiyak na ako sa inis.

“Pero hindi mo matatawaran ang acting niya. Napakabait niya, minsan may eksena ako, hindi ko siya kasama, pero nandoon siya, gina-guide niya ako kahit ako lamang ang kinukunan ng camera.  After that nag-thank you ako sa kanya very much dahil sabi ko hindi ko iyon maitatawid kung wala siya roon.”

Isusunod naman nina Maine at Carlo ang promotion at mall tour para sa movie na magso-showing na nationwide on October 16, sa direksyon ni Prime Cruz. 

Today, October 5, nasa SM Bicutan sila at 4PM at sa Star Mall Alabang at 6PM.  Bukas, Sunday, October 6, sa SM Valenzuela at 6PM.