Sarah at Matteo busy sa kani-kanilang pelikula
Sa October 23, 2019 nakatakdang ipalabas ang Unforgettable movie ni Sarah Geronimo na pinamamahalaan ni Jun Robles Lana na siya ring sumulat ng istorya with his writer-director partner na si Perci Intalan. Ito’y under Viva Films.
In was in August last year nang ipalabas ang local remake ng hit Korean movie na Miss Granny na pinagbidahan din ni Sarah.
Kasama sa pelikulang Unforgettable sina Ara Mina, Kim Molina, Meg Imperial, Gina Pareño at Yayo Aguila at kung saan may special guest appearances sina Regine Velasquez, Anne Curtis, Tirso Cruz III at Cherie Gil.
Kung showing na ang movie ni Sarah, sisimulan naman ng kanyang boyfriend na si Matteo Guidicelli ang remake ng pelikulang Pedro Penduko kung saan niya makakasama sina Empoy Marquez at Alonzo Muhlach at pamamahalaan ng writer-director na si Jason Paul Laxamana.
Elisse biglang na-awkward kay Miles
Sa recent grand launch kay Elisse Joson as the maiden brand ambassador ng Cathy Doll Ready 2 White product (from Thailand), inamin ng young Kapamilya star na nakaramdam umano siya ng pagiging awkward nang malaman niyang si Miles Ocampo na ang bagong love interest ng kanyang ex-boyfriend na si McCoy de Leon. Pero hindi umano siya nagseselos dahil wala na sila ng Hashtags dancer-actor at dati niyang kasamahan sa loob ng Pinoy Big Brother house. Pinabulaanan din ni Elisse na boyfriend na niya ang kasamahan din ni McCoy sa Hashtags na si Jameson Blake.
Sa ngayon daw ay naka-focus umano siya sa kanyang trabaho lalo pa’t marami umano siyang pinagkakaabalahan.
Jowable ni Kim naka-P6-M sa first day!
Masayang ibinalita ni Boss Vic del Rosario ng Viva na kumita ng P6-M ang launching movie ng stage singer-actress na si Kim Molina, ang Jowable na nagbukas sa mga sinehan nationwide nung nakaraang Miyerkules, September 25.
Inaasahan din ni Boss Vic na aabot umano ng mahigit P100-M ang sexy-comedy movie na gustong-gusto ng millennials.
Kasama rin si Kim sa upcoming movie ng Pop Princess na si Sarah Geronimo, ang Unforgettable na pinamamahalaan ni Jun Lana.
- Latest
