Robin hinihiritang i-guest nina Sharon at Regine

Hindi naman na nakapagtataka kung halos sold out na ang tickets sa concert nina Megastar Sharon Cuneta at Asia’s Songbird Regine Velasquez na Iconic. Bihirang-bihira lang kasi magsama ang dalawang ganito kalalaking singer. Gaganapin ang Iconic concert sa Araneta Coliseum sa darating na October 18 at 19.

Hindi pa rin makapaniwala si Regine na makakasama niya sa iisang stage ang idol na si Sharon. Todo ang kanyang pasasalamat dahil natupad na ang matagal na niyang pangarap.

Trending naman ang pagpapagupit ni Sharon, marami tuloy ang nakapansin na malaki ang kanyang ipinayat. Maging si Regine ay ganundin.

Hinihiling naman ng fans na sana ay maging guest nila si Robin Padilla na pareho nilang naging leading man sa iba’t ibang pelikula.

At dahil pareho silang dalawa na malalaking bituin, hindi naman maiwasan na mausisa rin ang kanilang billing.

Sino nga kaya ang may mas malaking TF? Yan ang pinagtatalunan ngayon ng kani-kanilang fans.

Ganunpaman, hindi naman ito makakaapekto sa kanilang pagkakaibigan.