Ruffa at Assunta nag-bonding

Kahapon ay tinawagan ako ni Ruffa Gutierrez para mag-join sa kanila ni Assunta de Rossi para sa early dinner sa isang restaurant sa Power Plant Mall sa Rockwell, Makati City.

Kasama raw sa dinner sina Lorin at Venice Gutierrez.

Inaanak ni Assunta si Venice at ang mister niyang si Jules Ledesma naman ay ninong ni Lorin.

Anyway, paboritong puntahan ng mga celebrity tuwing weekend ang Power Plant Mall.

Nakita ko rin doon kahapon si Navotas City Mayor Toby Tiangco at ang anak niyang si Tommy.

Los Bastardos maraming pasabog kung kailan matatapos!

Nasa SM Pampanga kahapon sina Albie Casiño at Myrtle Sarroza para sa promo ng Ang Henerasyong Sumuko Sa Love.

From there, deretso raw sila sa SM Olongapo Central.

Ngayon naka-schedule ang presscon ng pelikula, pero as of 4:45PM, may nagsabi sa akin na hindi pa sure na sure kung matutuloy ‘yon.

Stranded daw kasi sa Korea ang isa sa mga bida ng pelikula na si Tony Labrusca.

Kung matutuloy ngayon ang presscon, puwede raw si Albie dahil pinayagan na sa taping ng Los Bastardos, pero kung mare-reschedule bukas ang presscon ay hindi raw mapapayagan ang aktor dahil marami siyang mga eksenang kukunan sa taping bukas.

Finale week na kasi ng Los Bastardos, kaya hanggang Thursday na raw ang taping nila.

Pasabog daw kasi ang mga eksenang kukunan for their finale week, kaya naman hanggang Thursday pa ang taping ng nasabing ABS-CBN afternoon series.

Ang bongga!

Anyway, habang patapos na ang column item na ito, tinawagan ako ng handler ni Albie, si Jhaja Gonza para sabihing tuloy raw ang presscon, nakapag-rebooked daw si Tony.

Well, sana nga matuloy, huh!

Sharon at Regine makikipagtsikahan sa press

Makakatsikahan ng entertainment press mamaya sina Sharon Cuneta at Regine Velasquez-Alcasid para sa Iconic concert nila kaya tiyak na matatanong ang Megastar tungkol sa sinabi ni Kris Aquino na willing itong i-produce ang ­re­union movie ng Sharon-Gabby Concepcion love team.

Ano kaya ang sasabihin ni Sharon tungkol doon?

Kung si Kris kaya ang magpo-produce ay matutuloy na ang reunion movie nina Sharon at Gabby?

‘Yun na!