Super Tekla may pa-contest, aminadong matakaw sa baboy

Palabas na ngayong September 25 ang debut film ng Kapuso comedian na si Super Tekla, ang  Kiko en Lala. Makakasama niya rito ang ilan pang Kapuso stars na sina Kim Domingo, Derrick Monasterio, Jo Berry, Kiray Celis, Divine Tetay at AiAi delas Alas.

Bilang regalo sa kanyang fans, may pa-contest si Super Tekla. Kung sino man ang magsususot ala-Tekla at i-post ito sa social media gamit ang #KikoEnLala, ay invited agad sa premiere night nito sa September 24 sa SM Megamall.

Kailangan lang nila na dumating suot ang “signature Super Tekla” outfit, may papremyo at libreng nood sila mula sa komedyante!

Ang bongga, ‘di ba? Kaya ngayon pa lang, ipakita ninyo na ang best Super Tekla impersonation ninyo online!

Samantala, lumantak ng lechon kahapon si Super Tekla sa ginanap na Lechon Boodle Fight.

Ayon kay Super Tekla, matakaw siya sa karneng baboy.

Nag-aalaga rin daw ng baboy ang mga magulang niya sa probinsiya na mga magsasaka kaya all out ang suporta niya sa kampanyang safe kumain ng karneng baboy.

RIP Isah Red…

Mami-miss ka namin ng todo kapatid na Isah Red.

Namayapa na nga ang mahal naming kaibigan sa showbiz writing na si Isah Red.

Biglaan ang mga pangyayari. Hindi namin inaasahan.

Rest In Peace mahal naming Isah.

Narito ang statement ng Society of Philippine Entertainment Editors (SPEEd) kung saan naging presidente siya for two years. Ang SPEEd ang organizer ng The Eddys.

 “It is with pain and sadness that we, The Society of Philippine Entertainment Editors (SPEEd) confirm the passing of our President Emeritus, co-founder, dearest friend and family member, the highly regarded, respected and much loved Entertainment editor and journalist Isah V. Red.

We take solace that while he felt unwell these past few days, he died peacefully in his home this morning, without struggle or difficulty.

“We ask for your prayers for the repose of the soul of our beloved Isah who we will always remember for his wit, candor, joy and love of life.

We love you Kapatid. You are irreplaceable. Rest in peace,” ang buong pahayag ng samahan ng mga entertainment editor na si Ms. Ian Farinas ng People’s Tonight ang president sa kasalukuyan.