Hello, Love… panglima sa box office sa indie films na ipinapalabas sa US at Canada
Pasok ang Kathryn Bernardo at Alden Richards sa box-office chart ng Comscore. Tanging ito lang ang Filipino movie na nasa Weekend Box-office Chart kamakailan.
Ipinalalabas ngayon sa North American cinemas at sa latest data na ini-release ng Comscore, isang American media measurement at analytics company, nasa fifth spot sa mga independent films na ipinalalabas sa less than 1,000 theaters sa US at Canada.
Base ang tickets sales sa nakaraang weekend mula August 16-18 at kumita nang mahigit 442,320 US dollars o P111,610,200-M.
Ibinahagi ang chart ng kinita ng HLG sa Twitter account ng isang Paul Dergarabedian kahilera ang listahan ng foreign films na nakasabayan ng local film.
Patuloy pa ring humahataw sa takilya ang movie na tinatayang aabot sa P1-B ang box-office gross, huh!
Liza sinusundan si Jodi
Balik-Eskuwela si Liza Soberano matapos ipagamot ang kanyang finger injury sa ibang bansa.
Ang announcement ni Liza ay inilabas ng ABS-CBN nitong nakaraang mga araw matapos ibahagi ang litrato niya sa school na papasukan niya.“What I like most about being a student is the joy of discovering new things and appreciating what the world to offer. Glad to be back,” saad ni Liza sa post.
Sa post naman ng school, ibinahagi rin nito na isa sa alumna nila ay ang aktres na si Jodi Sta. Maria.
Gaya ni Jodi, ang kursong psychology rin ang pag-aaralan ni Liza, ang unang kursong kinuha niya last year bago sumailalim sa surgery kaya umatras na sa pelikulang Darna.
- Latest